Birta SU-36 aflahæstur strandveiðibáta

Birta SU-36 sem gerður er út frá Djúpavogi var aflahæsti báturinn á nýliðinni strandveiði-vertíð með rúm 44,8 tonn. Næst kom Hulda SF-197 sem gerður út frá Hornafirði með 44,2 tonn og og Ásbjörn SF-123 frá Hornafirði með 43,6 tonn. Þetta kemur fram á heimasíðu Fiskistofu.

Fiskistofa fjöldi á strandveiðum 2017

Alls voru gefin út 604 leyfi til strandveiða á nýafstaðinni vertíð. Þetta er 66 leyfum færra en á síðasta ári og fæst leyfi frá því að strandveiðar voru settar á laggirnar árið 2009 að upphafsárinu undanskyldu.

Þorskur 94,9% af afla strandveiðibáta

Fiskistof skipting strandveiðiafla eftir tegundum 2017

Heildarafli strandveiðibáta á vertíðinni var 9818 tonn. Alls veiddu strandveiðibátar á vertíðinni 9.313 tonn af þorski (94,4%). Næstmest var veitt af ufsa eða 353 tonn sem er 3,6% af heildarafla. Afli í öðrum tegundum var óverulegur eða 1,5% af heildinni. Alls komu 14 tegundir fiska á króka strandveiðibátanna á þessari vertíð. Afli í öðrum tegundum var meðal annars 77 tonn af karfa og 38 tonn af ýsu. Strandveiðibátar veiddu einungis 9 kg af hlýra og 5 kg af gaddakrabba!

Meðalafli í róðri aldrei meiri

Fiskistofa meðalafli í róðri á stranveiðum 2017

Frá því að strandveiðar hófust vorið 2009 hefur meðalafli í róðri aldrei verið meiri en á nýliðinni vertíð. Meðalaflinn var 623 kg.  Í fyrra var hann 614 kg og jókst því meðalafli  því um 1,5% milli vertíða.

Svæði A, sem er svæðið frá Eyja- og Miklaholtshrepp til Súðavíkurhrepps, gaf mestan meðalafla í róðri að venju eða 667 kg. Næst komu bátar sem voru á svæði C með 650 kg þá svæði B með 574 kg og svæði D rak svo lestina með 565 kg.

Attachments

Tengdar færslur

thumbnail
hover

Hefur aldrei leiðst að vinna

Grindvíkingurinn Guðni Gústafsson er maður vikunnar á kvótanum að þessu sinni. Hann er orðinn 78 ára gamall, en hefur unnið allt ...

thumbnail
hover

Veiðar og fiskeldi skila 171 milljón...

„Á árinu 2016 námu veiðar og fiskeldi á heimsvísu um 171 milljón tonna og þar af voru fiskveiðar um 92 milljónir tonna eða um 5...

thumbnail
hover

Fordæma „þá dæmalausu umgegni um sjávarauðlindina“

Landssamband smábátaeigenda fordæmir þá dæmalausu umgengni um sjávarauðlindina sem fram kom í fréttaþættinum Kveik sem sýndur v...