HB Grandi vígir frystigeymslu

HB Grandi vígir nýja frystigeyslu fyrirtækisins í dag. Aðeins eru liðnir 6 mánuðir og einni viku betur síðan Vilhjálmur Vilhjálmsson, forstjóri HB Granda, tók fyrstu skóflustunguna að nýrri frystigeymslu og flokkunarhúsi austan við fiskiðjuver félagsins á Norðurgarði í Reykjavík.
Frá þessu er sagt á heimasíðu HB Granda. Á Sjómannadaginn sem haldinn er hátíðlegur núna á sunnudaginn 2. júní verður frystigeymslan vígð við hátíðlega athöfn að að loknu ávarpi Forseta Íslands. Við það tækifæri verður húsinu gefið nafn, en efnt var til samkeppni meðal starfsmanna fyrirtækisins um nafngiftina.

Nýja húsið er alls 3.800 fermetrar, þar af er frystigeymslan 2.600 fermetrar að grunnfleti og rúmar 5.000 til 6.000 tonn af frystum afurðum. Hún mun bæta úr brýnni þörf því auk þess sem HB Grandi leigir frystirými í Örfirisey þá hafa frystar afurðir frá frystitogurum og frystihúsi verið geymdar í frystigámum og leigugeymslum bæði innanlands og erlendis.

HB Grandi er einn af aðal styrktaraðilum hátíðahalda Sjómannadagsins í Reykjavík. Að lokinni vígsluhátíðinni verður efnt til fjölskylduskemmtunar sem hefst kl 14:00