Keppendur Boxins reiknuðu sig til Mars í þraut Marel

Boxið, framkvæmdakeppni framhaldsskólanna, var haldið í sjöunda sinn síðastliðinn laugardag en Háskólinn í Reykjavík, Samtök iðnaðarins, Mennta- og menningarmálaráðuneytið og Samband íslenskra framhalds-skólanema stóðu að venju fyrir keppninni.

Marel hannaði þraut fyrir nemendurna sem gekk út á að keppendur áttu að klára að setja saman vog með því að tengja vogarpallinn við tölvuna og ljúka svo við frágang. Þá þurftu þeir einnig að vigta og verðmerkja kjúkling, kjöt og fisk og nýta stærðfræðikunnáttu sína til þess að leysa reikningsdæmi sem fól í sér að reikna þyngd hlutanna á Mars.

„Liðin stóðu sig öll með mikilli prýði en keppendur þurftu að beita beita talsverðri útsjónarsemi svo að ekki færi illa og verkefnið yrði klárað á þeim þrjátíu mínútum sem gefnar voru hjá hverju fyrirtæki. Menntaskólinn við Hamrahlíð sigraði keppnina að þessu sinni en það var Menntaskólinn í Reykjavík sem fór hraðast í gegnum þraut Marel, á rúmum 25 mínútum, og veitti Marel því liði MR aukaverðlaun fyrir gott skipulag, útsjónarsemi og liðsheild,“ segir á heimasíðu Marel.

Boxið er vettvangur fyrir framhaldsskólanema til að spreyta sig á ólíkum verkefnum, reyna á samvinnu og kynnast tækni og iðnaði á fjölbreyttan og skemmtilegan hátt. Keppnin er frábær vettvangur fyrir ungt fólk sem er óhrætt við að hugsa út fyrir boxið og reyna á hugvit sitt og verklag í góðum hópi.

Úrslitakeppnin samanstendur af þrautabraut með átta stöðvum en liðin fara á milli og leysa eina þraut, oft margþætta, á hverjum stað. Átta fyrirtæki úr Samtökum iðnaðarins útbúa þrautirnar ásamt kennurum frá Háskóla í Reykjavík. Fyrirtækin sem lögðu þrautirnar fyrir í ár voru Endurvinnslan, KeyNatura, Valka, Marel, Mannvit, Oddi, NoxMedical og Kóðinn/Skema.

RÚV tók keppnina upp eins og endranær og tók jafnframt viðtöl við keppendur en úr efninu verða gerðir tíu stuttir þættir sem verða svo sýndir eftir áramót.

 

Tengdar færslur

thumbnail
hover

Hefur aldrei leiðst að vinna

Grindvíkingurinn Guðni Gústafsson er maður vikunnar á kvótanum að þessu sinni. Hann er orðinn 78 ára gamall, en hefur unnið allt ...

thumbnail
hover

Veiðar og fiskeldi skila 171 milljón...

„Á árinu 2016 námu veiðar og fiskeldi á heimsvísu um 171 milljón tonna og þar af voru fiskveiðar um 92 milljónir tonna eða um 5...

thumbnail
hover

Fordæma „þá dæmalausu umgegni um sjávarauðlindina“

Landssamband smábátaeigenda fordæmir þá dæmalausu umgengni um sjávarauðlindina sem fram kom í fréttaþættinum Kveik sem sýndur v...