Lax, bok choy og núðlur í engifersoði

Oft virðist langt milli austurs og vesturs en í raun er ekkert þar á milli nema og. Það sama á við um austurlenska matargerð og íslenskt hráefni. Þegar það er komið saman er það bara miðja alheimsins eða þannig. Við fundum bæklinginn „Fiskmeti fyrir öll tækifæri“ á bókamarkaði og þar var þessa uppskrift að finna, en hún er eins og aðrar uppskriftir í bæklingnum þýddar úr ensku og ættaðar frá Ástralíu.  Þýðandi er Jón Jóhannesson og útgefandi Altunga. Við mælum með því að lesendur kvótans reyni þessa fínu uppskrift.

Innihald:

2 tsk dashi duft (austurlenskar matvörubúðir)
2 msk engifer, skorið í þunna strimla
8 vorlaukar, þunnt sneiddir á þverveginn
750 g bok choy, (má nota kínakál)
3 tsk japönsk sojasósa
200 g soba núðlur (austurlenskar matvörubúðir)
2 mk jarðhnetuolía
6 bitar af laxaflökum, án roðs
kóríanderlauf
limebátar til skrauts

Aðferð:

Setjið dashi duftið og 1,5 lítra af vatni í stóran pott. Hitið að suðu og bætið engifer, vorlauk og bok choy út í. Lækkið hitann og mallið í 5 mín. undir loki eða þar til kálið er orðið mjúkt. Hrærið sojasósunni saman við, takið af hitanum og haldið heitu.

Á meðan eru núðlurnar soðnar í miklu vatni í 1 mín. eða þar til þær eru mátulega mjúkar. Látið renna vel af þeim og haldið heitum.

Hitið olíuna á stórri steikarpönnu og steikið laxinn í 3 mín. á hvorri hlið. Athugið að hann á að vera léttsteiktur í miðjunni. Skiptið núðlunum á sex djúpa diska, bætið kálinu við og ausið soðinu yfir. Setjið laxastykki ofan á núðlurnar og kryddið að smekk með salti og pipar. Stráið kóríanderlaufum yfir og berið fram með limebátum.

 

Tengdar færslur

thumbnail
hover

Hrærsteiktur hörpudiskur með snjóbaunum

Við höldum okkur við framandi uppskriftir og innihald, en hollustan og gæðin eru ótvíræð. Hörpudiskur er einstaklega góður matur...

thumbnail
hover

Basilíkuhjúpuð bleikja á salatbeði möndlu- og...

Bleikjan er úrvals matur, holl og bragðgóð og ekkert mál að fá hana, enda eru Íslendingar fremstir í heimi í eldi á bleikju. Blei...

thumbnail
hover

Laxaflök með gremolata og kartöflumús

Nú fáum við okkur lax með kartöflumús. Það kann að virðast svolítið hversdagslegt, en svo er ekki því með laxinum notuð sér...