Lóðaði víða á síld

,,Við eigum eftir að fara einn makríltúr í Síldarsmuguna en vegna veðurútlits var ákveðið að fara til síldveiða í staðinn. Horfur varðandi veður eru ekki beint góðar fyrir næstu daga en við verðum að sjá hvað setur og hvernig staðan verður að aflokinni löndun.“

Þetta segir Hjalti Einarsson, skipstjóri á Víkingi AK í samtali á heimasíðu HB Granda. Skipið kom til Vopnafjarðar með um 800 tonn af síld umkvöldmatarleytið í gær. Aflinn fékkst í fjórum holum út af Norðfjarðardjúpi en þaðan eru 110 sjómílur til Vopnafjarðar.

Að sögn Hjalta voru fjögur skip að veiðum á svipuðum slóðum er Víkingur hóf veiðar en fyrr um daginn var aðeins eitt skip eftir á miðunum.
,,Síldveiðar eru nýhafnar og þótt það hafi orðið vart við síld á mjög mörgum stöðum nú í haust þá er ekki hægt að segja það með nokkurri vissu hvar síldin heldur sig aðallega. Það lóðaði mjög víða á síld út af Norðfjarðardjúpinu í gær og sú síld sem við fengum er af góðri millistærð og mjög vel haldin,“ sagði Hjalti en að hans sögn var verið að landa makríl úr Venusi NS á Vopnafirði og átti löndun ekki að ljúka fyrr enn um miðnætti.  Í framhaldi af því var byrjað að landa afla Víkings.
 

 

Tengdar færslur

thumbnail
hover

Alltaf fundist gaman í vinnunni

„Skipstjórinn býður greinarhöfundi skjól fyrir snjóbylnum sem tekið hefur yfir í þorpinu okkar góða. Snjórinn breytir ásýndi...

thumbnail
hover

Skipti á aflamarki – tilboð óskast

Samkvæmt 5. gr. reglugerðar nr. 607/2017, um veiðar í atvinnuskyni fiskveiðiárið 2017/2018, með síðari breytingum, auglýsir Fiski...

thumbnail
hover

Ekki neikvæð áhrif

Fiskeldi Austfjarða hefur sent frá sér yfirlýsingu vegna yfirlýsingar stjórnar Loðnuvinnslunnar hf. í fréttatilkynningu 5. desember...