Nýr samningur Færeyja og Noregs um fiskveiðar

Færeyingar og Norðmenn hafa skrifað undir samning um gagnkvæmar fiskveiðiheimildir á árinu 2018. Samkvæmt samningnum fá færeyskir bátar og skip að veiða 4.610 tonn og þorski og 1.750 tonn af ýsu innan norskrar lögsögu. Það er aukning um 250 tonn frá árinu sem nú er að líða. Aðrar heimildir Færeyinga til veiða innan norsku lögsögunnar er óbreyttar, 500 tonn af ufsa og 200 tonn af  öðrum tegundum.

Auk þessa fá Færeyingar heimildir til veiða á 3.755 tonnum af þorski og 325 tonnum af ýsu, sem eru hluti af samkomulagi Rússa og Færeyinga um veiðar innan lögsögu Noregs.

Norsk skip fá leyfi til veiða á 2.200 tonnum af löngu og blálöngu og 1.801 tonn af keilu innan lögsögu Færeyja. Það er litlu minna en á þessu ári. Ufsakvóti Norðmanna lækkar hins vegar í 150 tonn og leyfilegur meðafli af öðrum tegundum verður óbreyttur í 800 tonnum.

Einnig fá norsk skip makrílkvóta við Færeyjar upp á 5.979 tonn og 32.540 tonna kolmunnakvóti

Færeyski þorskkvótinn við Svalbarðar er fast hlutfall af þeim heildarkvóta sem Norðmenn setja sér fyrir Barentshafið. Í samræmi við það verður þorskkvóti Færeyja við Svalbarða 1.576 tonn, sem er lítils háttar lækkun frá kvóta þessa árs.

Tengdar færslur

thumbnail
hover

Blessað veðrið oft erfitt

Fiskflutningar landleiðina með stórum flutningabílum eru eru snar þáttur í starfsemi sjávarútvegsfyrirtækja hér á landi. Þeir f...

thumbnail
hover

Samgöngumálastjóri ESB sigldi með Óðni

Violeta Bulc, samgöngumálastjóri Evrópusambandsins, var stödd hér á landi í tilefni af heimsþingi samtakanna Women Political Leader...

thumbnail
hover

Fyrirkomulag skyndilokana endurskoðað

Nú er unnið að breytingum á skyndiloknunum en reglugerðir um þær hafa verið með svipuðu sniði nokkuð lngi. Þann 24. nóvember 2...