Rak mink úr móttökunni

Súgfirðingurinn Guðrún Oddný Schmidt er maður vikunnar á Kvótanum að þessu sinni. Hún er gæðastjóri í Fiskvinnslunni Íslandssögu á Suðureyri. Það skrýtnasta sem hún hefur lent í í vinnunni var að reka mink út úr móttökunni. Karlarnir horfðu á meðan hún rak kvikindið út.

Nafn?
Guðrún Oddný Schmidt.

Hvaðan ertu?
Fædd og uppalin á Suðureyri.

Fjölskylduhagir?
Gift Ingólfi Þorleifssyni og eigum við tvö börn 16 og 22 ára.

Hvar starfar þú núna?
Gæðastjóri í Fiskvinnslunni Íslandssögu á Suðureyri.

Hvenær hófst þú vinnu við sjávarútveg?

Byrjaði eins svo margir 14 ára í sumarvinnu en búin að vera í þessu starfi síðan 2007.

Hvað er það skemmtilegasta við að vinna við íslenskan sjávarútveg?
Það er enginn dagur eins og alltaf eitthvað nýtt að gerast.

En það erfiðasta?
Það er ekkert sem ég man eftir að hafi verið erfitt.

Hvað er það skrýtnasta sem þú hefur lent í í störfum þínum?
Ætli það sé ekki þegar við fengum mink inn í móttöku hjá okkur. Það endað með að ég rak minkinn út, en tveir karlmenn stóðu fyrir aftan mig sem lögðu ekki í slaginn.

Hver eftirminnilegasti vinnufélagi þinn?
Henrika, pólsk kona sem var hjá okkur í mörg ár. Við getum sagt að hún hafi verið skemmtilega sérstök á margan hátt.

Hver eru áhugamál þín?
Hannyrðir og ferðalög.

Hver er uppáhaldsmaturinn þinn?
Villibráð finnst mér mjög góð.

Hvert færir þú í draumfríið?
Sigling í Karabíska hafinu er á planinu í nánustu framtíð.

 

Tengdar færslur

thumbnail
hover

Hefur aldrei leiðst að vinna

Grindvíkingurinn Guðni Gústafsson er maður vikunnar á kvótanum að þessu sinni. Hann er orðinn 78 ára gamall, en hefur unnið allt ...

thumbnail
hover

Veiðar og fiskeldi skila 171 milljón...

„Á árinu 2016 námu veiðar og fiskeldi á heimsvísu um 171 milljón tonna og þar af voru fiskveiðar um 92 milljónir tonna eða um 5...

thumbnail
hover

Fordæma „þá dæmalausu umgegni um sjávarauðlindina“

Landssamband smábátaeigenda fordæmir þá dæmalausu umgengni um sjávarauðlindina sem fram kom í fréttaþættinum Kveik sem sýndur v...