Silungur með osti og möndlum

Við gamla settið skelltum okkur í sumarbústað við fallegt vatn nú í vikunni. Það er vinarlegur lítill sumarbústaður bara nokkur skref niður á vatnsbakkann með stangirnar og beituna. Við fengum strax fallega fiska í kvöldmatinn og fundum einfalda og góða uppskrift til að fara eftir og njóta þeirra. Við nutum matarins vel um kvöldið með fallegt útsýni yfir vatnið og nágrenni þess, hlustuðum á fagran fuglasöng í stað þess að setja Harry Belafonte í græjurnar og nutum sveitasælunnar með góðri flösku af hvítvíni með matnum.

Innihald:

400 g silungsflök
100 g camembert ostur
30 g möndluflögur
½ rjómi
1 msk sykur
salt
pipar
olía til steikingar

Aðferð:

Blandið saman camembert osti, möndlum og sykri í blandara. Bætið rjómanum út í og hrærið saman. Steikið silungsflökin og kryddið með smávegis af salti. Setji flökin á bökunarpappír í ofnskúffu og smyrjið blöndunni yfir. Grillið í ofninum í tvær til þrjár mínútur eða þar til osturinn verður gylltur. Berið fram með grænmeti og salati að eigin vali.

 

Tengdar færslur

thumbnail
hover

Hrærsteiktur hörpudiskur með snjóbaunum

Við höldum okkur við framandi uppskriftir og innihald, en hollustan og gæðin eru ótvíræð. Hörpudiskur er einstaklega góður matur...

thumbnail
hover

Basilíkuhjúpuð bleikja á salatbeði möndlu- og...

Bleikjan er úrvals matur, holl og bragðgóð og ekkert mál að fá hana, enda eru Íslendingar fremstir í heimi í eldi á bleikju. Blei...

thumbnail
hover

Laxaflök með gremolata og kartöflumús

Nú fáum við okkur lax með kartöflumús. Það kann að virðast svolítið hversdagslegt, en svo er ekki því með laxinum notuð sér...