Strandveiðum að mestu lokið

Strandveiðum er nú lokið eða þeim er að ljúka í dag á öllum svæðum nema svæði D, fyrir Suðurlandi. Veiðunum lauk á þriðjudag á svæði A, á svæði B voru í morgun 18 tonn óveidd og á svæði C voru heimildir fullnýttar. Á svæði D var helmingur heimildanna nýttur þegar veiðar hófust í morgun.

Á svæði A, frá Miklaholtshreppi og norður til Bolungarvíkur réru 227 bátar í ágúst. Þeir lönduðu 850 tonnum í 1.319 róðrum. Afli í róðri var að meðaltali 644 kíló og afli á bát að meðaltali 3,7 tonn. Viðmiðun um hámark heildarafla var 816 tonn og því fór veiðin 34 tonn framyfir hámarkið.

Á svæði B, frá Ströndum og fyrir Norðurlandi var aflinn í morgun orðinn 536 tonn. 135 bátar höfðu þá landað 827 sinnum og afli í róðri að meðaltali 648 kíló. Afli á bát að meðaltali var 700 kíló. Viðmiðun á þessu svæði er 554 tonn og því 18 tonn óveidd, en aflinn fer að öllum líkindum yfir hámarkið, rói bátarnir í dag.

Á svæði C, fyrir Austurlandi, höfðu 130 bátar landað 567 tonnum í 811 róðrum. Meðalafli í róðri er 700 kíló og afli á bát að meðaltali 4,5 tonn. Viðmiðun er 568 tonn og því vantaði eitt tonn upp að því væri náð. Með veiðum í dag fara bátarnir eitthvað yfir hámarkið.

Á svæði D, fyrir Suður- og Suðvesturlandi, höfðu 106 bátar farið í 293 róðra og landað samtals 151 tonni. Meðalafli í róðri er 515 kíló og afli á bát að meðaltali 1,4 tonn. Viðmiðun á þessu svæði er 308 tonn og í morgun voru því 157 tonn óveidd. Miðað við gang mála má gera ráð fyrir að heimildirnar sem eftir eru dugi út mánuðinn.

 

Tengdar færslur

thumbnail
hover

Hefur aldrei leiðst að vinna

Grindvíkingurinn Guðni Gústafsson er maður vikunnar á kvótanum að þessu sinni. Hann er orðinn 78 ára gamall, en hefur unnið allt ...

thumbnail
hover

Veiðar og fiskeldi skila 171 milljón...

„Á árinu 2016 námu veiðar og fiskeldi á heimsvísu um 171 milljón tonna og þar af voru fiskveiðar um 92 milljónir tonna eða um 5...

thumbnail
hover

Fordæma „þá dæmalausu umgegni um sjávarauðlindina“

Landssamband smábátaeigenda fordæmir þá dæmalausu umgengni um sjávarauðlindina sem fram kom í fréttaþættinum Kveik sem sýndur v...