-->

Aukinn útflutningur sjávarafurða

Útflutningsverðmæti sjávarafurða árið 2018 var 239,8 milljarðar króna sem er 17,8% meira en árið 2017. Flutt voru út rúmlega 670 þúsund tonn af sjávarafurðum sem er 61 þúsund tonni meira en árið áður samkvæmt upplýsingum Hagstofu Íslands.

Frystar sjávarafurðir voru 42,7% af útflutningsverðmætinu, ísaðar afurðir voru 13,8% og mjöl/lýsi rúm 27%. Af einstökum tegundum var verðmæti ísaðra þorskafurða mest eða tæpir 39,4 milljarðar króna og næst var verðmæti frysts þorsks um 35,3 milljarðar króna. Mest útflutningsverðmæti fengust vegna sölu til Bretlands 15,3% af heildarútflutningsverðmætinu og næst mest til Frakklands 11,3%, þar eftir koma Spánn, Noregur og Bandaríkin með rétt undir 10% hvert, sem eru álíka hlutföll og fyrir árið 2017.

Verðmæti útflutningsframleiðslu sjávarafurða, sem er samtala útflutnings og birgðabreytinga sjávarafurða, var tæplega 240 milljarðar árið 2018 sem er 22% aukning frá fyrra ári. Á föstu verðlagi jókst útflutningsframleiðsla um 24% miðað við árið 2017.

 

Tengdar færslur

thumbnail
hover

Helgi aflahæstur í maí

Jónas SH-237 varð aflahæstur strandveiðibáta í maí.  Skipstjóri og eigandi er Helgi Bergsson Ólafsvík.  Helgi náði 12 veiðife...

thumbnail
hover

Besti grálúðutúr Blængs

Frystitogarinn Blængur NK kom til Neskaupstaðar í gær með fullar lestar. Aflinn í veiðiferðinni var 570 tonn upp úr sjó að verðm...

thumbnail
hover

Sjávarklasinn stofnar sjávarakademíu

Sjávarakademía Sjávarklasans var í dag sett á laggirnar í nánu samstarfi við Fisktækniskóla Íslands. Í Sjávarakademíunni mun n...