Bakaður lax með estragonsósu og fennelsalati

Laxin er fiskur sumarsins í hugum okkar margra, sem eldri eru. En nú fæst gæðalax úr eldi allt árið um kring og á viðunandi verði. Því er um að gera að skella sér út í búð, til dæmis Nóatún, því uppskriftin er frá þeim og væntanlega allt til í hana þar. Uppskriftin er fyrir 4.

Innihald:

800 g roð- og beinhreinsaður lax
sjávarsalt
hvítur pipar úr kvörn
góð olífuolía
1 sítróna

Estragonsósa
1 laukur
1 hvítlauksrif
olía til steikingar
80 ml hvítvínsedik
½ lítri vatn
kjúklingakraftur eða grænmetiskraftur
½ lítri rjómi
sjávarsalt
hvítur pipar úr kvörn
1 msk. estragon fínt skorið (má nota þurrkað)

Fennel-appelsínu–radísu salat
8 radísur
2 fennel
2 appelsínur
1 poki klettasalat
2 msk. góð extra virgin ólífuolía
sjávarsalt
svartur pipar úr kvörn

Aðferð:

Skerið laxinn í ca 200 g steikur. Setjið laxinn í eldfast mót. Penslið með ólífuolíu undir og yfir laxinn, kryddið  laxinn með saltinu og piparnum. Setjið laxinn inn í 190 gráðu heitan ofninn í 12-15 min. Kreistið sítrónusafa yfir laxinn þegar hann er kominn út úr ofninum.

Estragonsósa
Skrælið og skerið laukinn smátt. Hellið olíu í pott og steikið laukinn þar til hann er orðinn mjúkur (á alls ekki að brúnast). Hellið edikinu yfir laukinn og látið það sjóða í 2 mín., bætið vatninu út á og sjóðið niður um ca helming. Bætið rjómanum í og látið sjóða niður um ca helming. Maukið sósuna með töfrasprota og smakkið hana til með kraftinum, saltinu og piparnum. Setjið estragonið út í sósuna rétt áður en þið berið hana fram.

Fennel-appelsínu–radísu salat
Skerið radísur og fennel í þunnar ræmur. Skrælið og skerið appelsínurnar í fallega bita. Setjið allt saman í skál með klettasalatinu og ólífuolíunni og kryddið með salti og pipar.

 

Tengdar færslur

thumbnail
hover

Rauðspretta með sítrónu og hvítlauk

Rauðsprettan er hreint yndislegur fiskur að borða. Af henni er mjög sérstakt bragð, holdið er skjannahvítt og mjúkt, sé þess gæt...

thumbnail
hover

Pönnusteiktur þorskur með hvítlaukssmjöri

Nú fáum við okkur þorsk. Þennan glæsilega fisk sem haldið hefur lífinu í okkur Íslendingum öldum saman. Við erum önnur öflugas...

thumbnail
hover

Hollur laxaborgari

Hamborgarar njóta ávalt vinsælda hjá fólki á öllum aldri, enda geta þeir verið matreiddir á mjög fjölbreyttan hátt. Hér bætis...