Blængur landaði ufsa og grálúðu

Frystitogarinn Blængur NK landaði í Neskaupstað í byrjun þessa mánaðar. Aflinn var 365 tonn upp úr sjó, mest ufsi og grálúða. Verðmæti aflans var 137 milljónir króna. Skipstjóri í veiðiferðinni var Theodór Haraldsson og segir hann að hún hafi verið heldur tíðindalítil.

„Við fórum út 5. júlí og héldum okkur alveg fyrir austan. Lögðum áherslu á lúðuna en fórum tvisvar sinnum í ufsa í Berufjarðarálnum. Segja má að það hafi verið rjómablíða allan túrinn að undanskildum einum degi, en annars er heldur fátt um hann að segja,“ segir Theodór í samtali á heimasíðu Síldarvinnslunnar.

Blængur hélt til veiða á ný sl. mánudagskvöld.

Ljósm. Hákon Seljan

 

Tengdar færslur

thumbnail
hover

Frost, funi og allt þar á...

Starfsmenn Hafnareyrar frysta og sjóða, landa fiski og skipa út fiski, smíða úr tré og járni og sinna ótal mörgu öðru sem upp m...

thumbnail
hover

Merkingar á þorski hafnar á ný

Nú í marsmánuði hóf Hafrannsóknastofnun merkingar á þorski á ný eftir nokkurt hlé. Merktir voru 1800 þorskar um borð í r/s Ár...

thumbnail
hover

Binni tvítugur (í starfi)

Samstarfsfólk á skrifstofu Vinnslustöðvarinnar bar í síðustu viku þessa líka fínu súkkulaðiköku á borð í tilefni af tvítugs...