Byrjaði 12 ára á sjó

Maður vikunnar á Kvótanum í dag er fæddur á Flateyri en býr og starfar í Vestmannaeyjum. Hann fór fyrst á sjó með pabba sínum 12 ára gamall. Þetta er Gunnar Páll Hálfdánssonframleiðslustjóri á bolfisksviði hjá VSV. Fótbolti er áhugamál hans og nautalund og bleikja uppáhalds maturinn.

Nafn?

Gunnar Páll Hálfdánsson

Hvaðan ertu?

Fæddur og uppalinn á Flateyri við Önundarfjörð.

Fjölskylduhagir?

Vel giftur Berglindi Smáradóttur og saman eigum við fjögur börn; Alexöndru Ósk, Aron Steinar, Adrian Smára og Auðunn Snær.

Hvar starfar þú núna?

Hjá Vinnslustöðinni í Vestmannaeyjum sem framleiðslustjóri yfir bolfisksviði.

Hvenær hófst þú vinnu við sjávarútveg?

Ég byrjaði á sjó á sumrin með pabba mínum Hálfdáni Kristjánssyni þegar ég var 12 ára gamall.

Hvað er það skemmtilegasta við að vinna við íslenskan sjávarútveg?

Það er fjölbreytileikinn, maður er alltaf að takast á við ný og ný verkefni. Einnig eru spennandi tímar núna þar sem tækniframfarir í vinnslu og veiðum hafa verið miklar undanfarin ár.

En það erfiðasta?

Íslenska krónan.

 Hvað er það skrýtnasta sem þú hefur lent í í störfum þínum?

Verð að segja sumir úttektar aðilar sem maður hefur átt í samskiptum við.

Hver eftirminnilegasti vinnufélagi þinn?

Það er erfitt að gera upp á milli en ég hef unnið og vinn enn með mjög skemmtilegum einstaklingum sem ég kem aldrei til með að gleyma.

Hver eru áhugamál þín?

Fótbolti, bæði að sprikla sjálfur og að horfa, einnig hef ég mjög gaman af því að fylgjast með IBV í handboltanum.

Hver er uppáhaldsmaturinn þinn?

Nautalund og bleikja.

Hvert færir þú í draumfríið?

Ég færi í siglingu með fjölskylduna.

 

 

Tengdar færslur

thumbnail
hover

Fisk-Seafood kaupir hlut Brims í VSV

FISK-Seafood ehf. á Sauðárkróki hefur gengið frá samningi um kaup á öllum eignarhlut Brims hf. í Vinnslustöðinni hf. í Vestmanna...

thumbnail
hover

Margt til umræðu á aðalfundum félaga...

Aðalfundir svæðisfélaga LS standa nú sem hæst.  Félagsmenn eru hér með minntir á fundina og hvattir til að taka þátt í þeim....

thumbnail
hover

Íslenski fiskurinn í aðalhlutverki

Mikið var um að vera á Íslandsdögum (Islandtage) sem haldnir voru á hafnarsvæðinu í Bremerhaven, Þýskalandi dagana 29. ágúst ti...