Byrjaði í móttökunni í Meitlinum

Maður vikunnar á Kvótanum gegnir ábyrgðarmikilli stöðu. Hann er hafnarstjóri í Þorlákshöfn og þar er mikill hugur í mönnum. Stefnt er að verulegum hafnarbótum, sem gera stærri skipum en áður greiðari aðgang að höfninni og þannig auka möguleika á vöruflutningum til og frá landsins um höfnina.

Nafn?

Hjörtur Bergmann Jónsson.

Hvaðan ertu?

Frá Læk í Ölfusi.

Fjölskylduhagir?

Giftur Hrönn Guðmundsdóttur. Börn; Hákon Hjartarson, Hrafnhildur Hlín, og Sigurhanna Björg.

Hvar starfar þú núna?

Hafnarstjóri í Þorlákshöfn.

Hvenær hófst þú vinnu við sjávarútveg?

1970 í fiskmóttökunni í Meitlinum í Þorlákshöfn og svo 1973 á sjó á Snætindi ÁR 88.

Hvað er það skemmtilegasta við að vinna við íslenskan sjávarútveg?

Það er fjölbreytnin engin dagur eins.

En það erfiðasta?

Það er ekki til neitt sem heitir erfitt bara mismunandi auðvelt.

Hvað er það skrýtnasta sem þú hefur lent í í störfum þínum?

Ég held að við setjum það ekki á prent.

Hver eftirminnilegasti vinnufélagi þinn?

Ólafur Tryggvason heitinn stýrimaður frá Ólafsvík.

Hver eru áhugamál þín?

Hestamennska, ferðalög og vinnan.

Hver er uppáhaldsmaturinn þinn?

Allskonar fiskur, hrossakjöt og hrossabjúgu (heimagerð).

Hvert færir þú í draumfríið?

Á skíði í Austurríki.

 

Tengdar færslur

thumbnail
hover

Hörpuskel með rísottó og spínati

Nú fáum við okkur veislumat. Hörpudisk með rísottó, spínati og brúnuðu smjöri. Þetta er kjörinn réttur fyrir hvers kyns hátí...

thumbnail
hover

Aflamarksfærslur heimilar til 15. september

Umsóknir um staðfestingu Fiskistofu á flutningi aflamarks og krókaaflamarks á fiskveiðiárinu 2018/2019 verða að hafa borist Fiskist...

thumbnail
hover

Margt sameiginlegt með fiskeldi og sportveiði!

„Mikið hefur verið rætt um fiskeldi og sportveiði að undanförnu. Oft er þessu tvennu stillt upp sem andstæðum en í raun eiga þe...