Einhamar tekur við nýjum bát

Einhamar í Grindavík fékk fyrir helgina afhentan nýjan bát frá Trefjum sem fékk nafnið Vésteinn GK 88. Báturinn var sjósettur í Hafnarfirði. Vésteinn er væntanlegur til heimahafnar nú í vikunni þegar helstu prófunum á sjófærni og búnaði er lokið.

Vésteinn er þriðji báturinn í flota Einhamars en fyrir gerir fyrirtækið út Auði Vésteins SU 88 og Gísla Súrsson GK 8. Skipstjóri Vésteins verður Guðmundur Theódór Ríkharðsson.

Eins og nöfnin benda til eru þau fengin úr Gísla sögu Súrssonar. Vésteinn var fóstbróðir Gísla Súrssonar og reyndist honum vel á erfiðum stundum.

Vésteinn er samskonar bátur og Auður og Gísli en skipin eru öll smíðuð hjá Trefjum, eru tæp 30 brúttótonn og rétt tæpir 15 metrar á lengd.
Myndin er fengin af heimasíðu Grundavíkur http://grindavik.is

 

 

Tengdar færslur

thumbnail
hover

Ýsa á hrísgrjónum í ofni

Matreiðslubækur halda sínum vinsældum og segja má að fyrir hver jól komi eins slík út. Nú, fyrir jólin, kom út matreiðslubókin...

thumbnail
hover

Er að gera eitthvað skrýtið alla...

Maður vikunnar að þessu sinni er forfallinn stangveiðimaður og er leiðsögumaður á sumrin. Þar fyrir utan starfar hann hjá fyrirt...

thumbnail
hover

Nýr léttabátur fyrir Gæsluna

Landhelgisgæslan fékk nýjan og glæsilegan léttbát fyrir varðskipið Tý afhentan í vikunni. Hann nefnist Flengur 850 og var smíða...