Engiferleginn lax með volgu mangósalati

Laxinn klikkar ekki. Hann er alltaf jafngóður og fjölbreytnin í matreiðslu er nánast endalaust. Það er svo mikill kostur að vegna blómlegs laxeldis á Íslandi er hægt að fá ferskan lax alla daga ársins á viðráðanlegu verði. Í ofanálag er laxinn eitthvert hollasta fiskmeti sem fáanlegt er vegna mikils innhalds fjölómettaðra fitusýra Omega3. Þessa fínu uppskrift fundum við á gottimatinn.is en þar er að finna mikið af góðum uppskriftum.

Hráefni:
700 g lax
sesamfræ

Kryddlögur (marinering) fyrir lax:
½ dl sojasósa
30 ml limesafi (1-2 lime)
2 tsk rifið engifer
1 tsk sambal olek

Salat:
1 stk mangó, skorið í bita
½ stk rauð, gul eða græn paprika, skorin smátt
1 stk rauðlaukur, skorinn smátt
steinselja, smátt skorin

Meðlæti:
hrísgrjón, setjið túrmerik í vatnið til að fá gulan lit á grjónin
sýrður rjómi

Aðferð:

Þessi dásamlegi og fljótlegi réttur dugar fyrir 3-4.

Stillið hitann á ofninum á 225°C.

Hrærið saman kryddlöginn. Setjið öll hráefni í skál, skerið laxinn í bita og setjið í skálina. Látið liggja í rúmlega 30 mínútur.

Skerið mangó, papriku, lauk og steinselju smátt og setjið til hliðar.

Setjið fiskinn í eldfast mót ásamt sósunni og stráið sesamfræ yfir. Bakið fiskinn í um 15 mínútur.

Hitið olíu á pönnu og steikið ávexti og grænmeti í nokkrar mínútur.

Berið fram með hrísgrjónum, sýrðum rjóma og grænu salati.

 

Tengdar færslur

thumbnail
hover

Ýsa á hrísgrjónum í ofni

Matreiðslubækur halda sínum vinsældum og segja má að fyrir hver jól komi eins slík út. Nú, fyrir jólin, kom út matreiðslubókin...

thumbnail
hover

Er að gera eitthvað skrýtið alla...

Maður vikunnar að þessu sinni er forfallinn stangveiðimaður og er leiðsögumaður á sumrin. Þar fyrir utan starfar hann hjá fyrirt...

thumbnail
hover

Nýr léttabátur fyrir Gæsluna

Landhelgisgæslan fékk nýjan og glæsilegan léttbát fyrir varðskipið Tý afhentan í vikunni. Hann nefnist Flengur 850 og var smíða...