Enginn dagur eins

Maður vikunnar á Kvótanum er Árdís Inga Höskuldsdóttir, verkstjóri hjá Ísfélagi Vestmanneyja á Þórshöfn. Þar Ísfélagið með mikla vinnslu á uppsjávarfiski og var til dæmis verið að frysta loðnu þar í lok janúar. Árdís hefur unnið við sjávarútveg og fleira frá 16 ára aldri. Hana langar til Afríku og Indlands í draumafríið.

Nafn?

Árdís Inga Höskuldsdóttir.

Hvaðan ertu?

Sveitabænum Höfða rétt fyrir utan Raufarhöfn.

Fjölskylduhagir?

Einhleyp.

Hvar starfar þú núna?

Verkstjóri hjá Ísfélagi Vestmanneyja á Þórshöfn.

Hvenær hófst þú vinnu við sjávarútveg?

Fyrst þegar ég var 16 ára í frystihúsinu á Raufarhöfn svo hef ég verið með annan fótinn í sjávarútvegi gegnum árin, hef unnið hjá Ísfélaginu síðan 2012 sem verkstjóri.

Hvað er það skemmtilegasta við að vinna við íslenskan sjávarútveg?

Alltaf nýjar uppákomur á hverjum degi og aldrei neinn dagur eins.

En það erfiðasta?

Stundum er stress í kringum þetta. En það þurfa að koma dagar sem eru niður á við alveg eins og dagar sem eru upp, sem gera þetta bara skemmtilegt.

Hvað er það skrýtnasta sem þú hefur lent í í störfum þínum?

Myndi segja að það væri hvað maður er kynnist mörgu mismunandi fólki í þessu sem kemur til dæmis á vertíðar allstaðar að úr heiminum með mismunandi sýn á hluti sem eru stundum misskrýtnir.

Hver eftirminnilegasti vinnufélagi þinn?

Hef alltaf átt svo góða vinnufélaga sem hafa kennt mér svo mikið og eru allir metnir í gulli.

Hver eru áhugamál þín?

Ferðast, læra nýja hluti og vera með skemmtilegu fólki og vera jákvæð og hamingjusöm.

Hver er uppáhaldsmaturinn þinn?

Villibráð og því sem fylgir.

Hvert færir þú í draumfríið?

Færi í ferð um Afríku og Indland í nokkra mánuði.

 

Tengdar færslur

thumbnail
hover

Í skrúfustærðinni liggur olíuhundurinn grafinn

Nýr ísfiskstogari Vinnslustöðvarinnar, Breki, gerir gott betur en að uppfylla væntingar útgerðar og áhafnar til skipsins í fyrstu ...

thumbnail
hover

Marel gengur frá kaupum á MAJA

Marel tilkynnti 25. júlí síðastliðinn að fyrirtækið hefði samþykkt kaup á MAJA, þýskum framleiðenda matvinnslubúnaðar. Samke...

thumbnail
hover

Tvöfalda framleiðslu á hrognkelsum

Fyrirtækið Ocean Matters í Wales hefur nú í hyggju að tvöfalda eldi sitt á hrognkelsi eftir að hafa tryggt sér fjármögnun upp á...