Er að gera eitthvað skrýtið alla daga

Maður vikunnar að þessu sinni er forfallinn stangveiðimaður og er leiðsögumaður á sumrin. Þar fyrir utan starfar hann hjá fyrirtækinu Royal Iceland sem meðal annars vinnur beitukóng, grjótkrabba, ígulkerahrogn og ýmis önnur hrogn í Reykjanesbæ.

Nafn?

Reynir Friðriksson.

Hvaðan ertu?

Upphaflega er ég frá Ísafirði.

Fjölskylduhagir?

Ég er fráskilinn og á 3 mjög flotta stráka Sigga Helga 7 ára, Jakob Inga að verða 13 ára og Svan Jóhann sem er 21 árs.

Hvar starfar þú núna?

Hjá Royal Iceland.

Hvenær hófst þú vinnu við sjávarútveg?

Vann öll sumur við fisk og eða rækjuvinnslu á Ísafirði enda var mjög stór partur af því að alast upp fyrir vestan að vinna í fiski og oft var mikil stemmning sérstaklega á næturvöktunum.

Hvað er það skemmtilegasta við að vinna við íslenskan sjávarútveg?

Það er fjölbreytnin við og hversu lifandi umhverfi sjávarútvegurinn bíður uppá.

En það erfiðasta?

Það er þessi neikvæða umræða sem er um sjávarútveginn og gagnrýni frá fólki sem oft á tíðum þekkir lítið sem ekkert til greinarinnar.

Hvað er það skrýtnasta sem þú hefur lent í í störfum þínum?

Maður er að gera eitthvað skrítið alla daga því við erum að vinna „skrýtnar“ afurðir úr skrýtnu hráefni í samanburði við hefðbundna fiskvinnslu á Íslandi.

Hver eftirminnilegasti vinnufélagi þinn?

Það er pabbi (Friggi Jó) en ég var með honum á sjó eins og við flestir bræðurnir þegar ég var unglingur og vorum við þá bæði á rækju og skel.

Hver eru áhugamál þín?

Ég er forfallinn stangveiðimaður og finnst ekkert skemmtilegra en að vera með veiðistöng við einhverja flotta á að renna fyrir fisk. En ég hef starfað sem leiðsögumaður í lax og silungsveiði í 20 ár og alltaf stokkið í það á sumrin.

Hver er uppáhaldsmaturinn þinn?

Það er erfitt að segja ég er mjög hrifinn af feitum fiski og bleikur fiskur er mjög ofarlega á matseðlinum en líklega verð ég að segja léttgrillaður kóngakrabbi.

Hvert færir þú í draumfríið?

Að veiða annaðhvort á norður Kúbu eða Mexíkó.

 

Tengdar færslur

thumbnail
hover

Hörpuskel með rísottó og spínati

Nú fáum við okkur veislumat. Hörpudisk með rísottó, spínati og brúnuðu smjöri. Þetta er kjörinn réttur fyrir hvers kyns hátí...

thumbnail
hover

Aflamarksfærslur heimilar til 15. september

Umsóknir um staðfestingu Fiskistofu á flutningi aflamarks og krókaaflamarks á fiskveiðiárinu 2018/2019 verða að hafa borist Fiskist...

thumbnail
hover

Margt sameiginlegt með fiskeldi og sportveiði!

„Mikið hefur verið rætt um fiskeldi og sportveiði að undanförnu. Oft er þessu tvennu stillt upp sem andstæðum en í raun eiga þe...