Fiskurinn fraus á efra dekkinu

Maður vikunnar er matsmaður hjá Vísi hf. í Grindavík. Þar byrjaði hún fyrir 24 árum. Hún hefur einnig verið á togara í Smugunni í Barentshafi og langar til Ástralíu eða Japans í draumafríið.

Nafn?

Kristín Guðrún Hjálmarsdóttir.

Hvaðan ertu?

Flateyri við Önundarfjörð, hef búið í Grindavík  frá fjögra ára aldri. 

Fjölskylduhagir?

Bý með Kjell Ove Aarö,  tvær dætur og einn sonur. 

Hvar starfar þú?

Ég er matsmaður hjá Vísi í Grindavík, byrjaði þar fyrir 24 árum.

Hvenær hófst þú störf við sjávarútveg?

12 ára.

Hvað er það skemmtilegasta við að vinna við íslenskan sjávarútveg?

Þegar allt gengur mjög vel með góðum mannskap. 

En það erfiðasta?

Þegar eitthvað bilar, eins ef upp koma deilur hjá starfsmönnum. 

Hvað er það skrýtnasta sem þú hefur lent í störfum þínum?

Ætli það sé ekki þegar ég var á togara í Smugunni. Við vorum  að hífa, pokinn var kjaftfullur af þorski og ekki var hægt að tæma allt í móttökuna. Það var svo kalt  að fiskurinn fraus upp á efradekki meðan verið var að blóðga úr móttökunni.

Hver er eftirminnilegasti vinnufélagi þinn?

Enginn einn, hef átt marga góða vinnufélaga. 

Hver eru áhugamál þín?

Fjölskyldan, hannyrðir og vera með góðum vinum. 

Uppáhaldsmaturinn þinn?

Steiktur fiskur.  Fiskur er í uppáhaldi.

Hvert færir þú  í draumafríið?

Ástralíu eða Japans. 

 

 

Tengdar færslur

thumbnail
hover

Uppskrift númer 305

Þorskurinn getur þvælst fyrir á stundum. Það er ekki alltaf auðvelt að sækja hann vegna veðurs og hann getur vafist fyrir í vinns...

thumbnail
hover

Geir bóndi sá eftirminnilegasti

Maður vikunnar er frá Malarrifi og er sjómaður á aflafleyinu Bárði SH 81. Hann stundar þar netaveiðar undirstjórn föður síns, e...

thumbnail
hover

Tilviljun að hafa lifað af

Í nýjasta tölublaði tímaritsins Ægis er viðtal við Eyþór Björnsson, fiskistofustjóra, sem lenti í þremur slysum á sjómannsfe...