-->

Fyrstu nemendurnir ljúka stjórnendanámi

 

Fyrstu nemendurnir til að ljúka 5. og síðustu lotu stjórnendanáms á vegum Símenntunar Háskólans á Akureyri tóku við skírteinum sínum sl. föstudag. Námið er samstarfsverkefni starfsmenntasjóðs Sambands stjórnendafélaga og Samtaka atvinnulífsins en Símenntun Háskólans á Akureyri sér um að halda utan um skráningu og kennslu. Um er að ræða fjarnám sem millistjórnendur í fyrirtækjum og stofnunum eiga kost á að stunda með fullri vinnu.

„Millistjórnandinn hefur mun viðameira hlutverki að gegna en áður var. Það eru ótal þættir sem koma inn s.s. veikindi aðstandenda, fíknivandi, fjölmenning, kulnun í starfi og almenn vanlíðan starfsfólks. Allt þetta þarf millistjórnandinn að geta tekist á við ef ekki á illa að fara. Þetta nám, sem Samband stjórnendafélaga hafði forgöngu um, er að mínu mati mjög hagnýtt verkfæri fyrir alla þá sem hafa mannaforráð í fyrirtækjum,“ segir Stefán Guðnason, verkefnastjóri hjá Símenntun Háskólans á Akureyri.

„Þetta nám er frábært tækifæri fyrir millistjórnendur að leggja mat á eigin þekkingu, leikni og hæfni í starfi. Námið gagnast mjög vel og nemendur eru sammála um að þeir öðlast þekkingu í mannauðsstjórnun og leikni til að greina, bregðast við og meta árangur aðgerða er varðar undirmenn, aðstæður þeirra og líðan í starfi. Nemendur geta fengið styrk úr starfsmenntasjóði STF og SA sem stendur undir 80% kostnaðar og oft leggja fyrirtækin til það sem upp á vantar,“ segir Skúli Sigurðsson, forseti Sambands stjórnendafélaga.

Á myndinni eru fyrstu nemendurnir til að ljúka fimmtu og síðustu lotu í stjórnendanámi Símenntunar Háskólans á Akureyri tóku við skírteinum sínum sl. föstudag. Ljósm. Samband stjórnendafélaga.

 

 

Tengdar færslur

thumbnail
hover

Fundað um sjávarfallaspár og hækkun sjávarborðs

Kunnátta og þekking á fræðasviðinu sem sjávarfallaspár hvíla á er mikilvæg fyrir okkur Íslendinga. Sama á við um öflin og kra...

thumbnail
hover

Mikill laxadauði í kvíum Arnarlax

Vart hefur verið við mikinn laxadauða í sjókvíaeldi Arnarlax á Vestfjörðum og talið að um 500 tonn af laxi hafi drepist í kvíum...

thumbnail
hover

Loðnan vó þungt þrátt fyrir brest

„Útflutningsverðmæti uppsjávarafurða nam tæplega 50 milljörðum króna á árinu 2019, sem er nánast á pari við árið 2018. Þe...