Gleðidagur fyrir þjóðina alla

„Ég vil óska öllum þeim sem komu að smíði þessa skips  á undanförnum árum stórkostlega til hamingju með daginn. Og sérstaklega HB Granda, starfsfólki félagsins og öllum þeim sem eiga eftir að njóta góðs af. Þetta er gleðidagur fyrir fyrirtækið en líka gleðidagur fyrir þjóðina alla.“

Svo sagði Bjarni Benediktsson, forsætisráðherra, við móttöku Engeyjar í Reykjavík á föstudag. Hann rifjaði í ávarpi sínu upp komu fyrsta togarans sem smíðaður var fyrir Íslendinga fyrir um 100 árum síðan, Jóns forseta, sem hann sagði að markað hefði í raun upphaf iðnbyltingar á Íslandi. Árangurinn síðan hefði í raun verið ævintýralegur og eftir því tekið um allan heim. Við værum fremstir af þjóðum heims þegar kæmi að nýtingu sjávarauðlindarinnar og í fararbroddi í sjálfbærri nýtingu sjávarauðlinda.

Það væri því mikið gleðiefni fyrir hann nú, réttum 100 árum eftir að fyrsti nýsmíðaði togarinn kom til landsins  til að nýta auðlindina að núværi tekið á móti nýjasta togara okkar, Engey, þar sem íslenskt hugvit hafi leikið meginhlutverk í hönnun og smíði. Það væri ekki síður mikið fagnaðarefni að íslensk sjávarútvegsfyrirtæki geti farið út í fjárfestingar eins og þessa, sem sé svo mikilvægt fyrir áframhaldandi verðmætasköpun við nýtingu auðlindarinnar. Við Íslendingar nýttum sjávarfang betur en aðrar þjóðir.

Bjarni ræddi síðan um starfsemi sem tengdist sjávarútveginum. „Tæknigeirinn í kringum sjávarútveginn samanstendur af um 80 fyrirtækjum sem velta um 65 milljörðum á ári. Starfsemi þessara fyrirtækja er ekki bara innan lands heldur einnig eru þessi fyrirtæki að selja þekkingu sína langt út fyrir landsteinana og skapa verðmæti með þeim hætti fyrir þjóðarbúið. Íslenskur sjávarútvegur er og verður ein af lykilstoðum íslensks efnahagslífs. Framþróun í sjávarútvegi er ekki eingöngu mikilvæg fyrir greinina sjálfa heldur einnig landið  allt.“

Attachments

Tengdar færslur

thumbnail
hover

Fisk-Seafood kaupir hlut Brims í VSV

FISK-Seafood ehf. á Sauðárkróki hefur gengið frá samningi um kaup á öllum eignarhlut Brims hf. í Vinnslustöðinni hf. í Vestmanna...

thumbnail
hover

Margt til umræðu á aðalfundum félaga...

Aðalfundir svæðisfélaga LS standa nú sem hæst.  Félagsmenn eru hér með minntir á fundina og hvattir til að taka þátt í þeim....

thumbnail
hover

Íslenski fiskurinn í aðalhlutverki

Mikið var um að vera á Íslandsdögum (Islandtage) sem haldnir voru á hafnarsvæðinu í Bremerhaven, Þýskalandi dagana 29. ágúst ti...