Grilluð lúða

Nú bjóðum við upp á uppskrift af grillaðri lúðu. Hana er yfirleitt hægt að fá í góðum fiskbúðum, þó beinar veiðar á lúðu séu bannaðar. Komi lúða í veiðarfæri ber að sleppa henni í sjóinn aftur sé hún lífvænleg. Ef ekki skal henni landað á fiskmarkaði og rennur andvirði hennar í sjóð sem styrkir rannsóknir og þróun í sjávarútvegi. Þess vegna ratar lúðan oftast í fiskbúðirnar.

Smálúða er alveg dásamlegur matur, hvernig sem hún er elduð og hennar er gott að njóta með nánum ástvinum. Svo er hún líka einstaklega holl vegna hás innihalds fjölómettaðra fitusýra, Omega3.

Innihald:

2 msk brætt smjör

2 msk hunang

safi úr hálfri sítrónu

2 tsk soja sósa

½ tsk svartur pipar

4 hvítlauksrif, marin

800 g smálúðuflök

Aðferð:

Blandið saman smjöri, hunangi, sítrónusafa, sojasósu pipar og hvítlauk saman í skál. Skerið lúðuna í fjóra jafna bita.

Penslið bitana beggja vegna með blöndunni.

Hitið góða grillpönnu vel, þannig að vatnsdropi gufi upp nær samstundis. Snöggsteikið lúðuna í eina og hálfa mínútu á hvorri hlið. Lækkið síðan hitann niður í meðalhita og steikið bitana áfram í 2-3 mínútur á hvorri hlið, eða þar til lúðan er steikt í gegn. Tíminn fer nokkuð eftir þykktinni á bitunum.

Með þessum rétti gott af hafa ferskt salat, soðnar nýjar kartöflur eða hrísgrjón.

 

 

Tengdar færslur

thumbnail
hover

Dregur úr löndun VS-afla

Landanir á svokölluðum VS-afla hafa farið minnkandi á síðustu árum. Á tímabilinu 2012-2013 til 2017-2018 var landaður VS-afli rú...

thumbnail
hover

Fyrstu nemendurnir ljúka stjórnendanámi

  Fyrstu nemendurnir til að ljúka 5. og síðustu lotu stjórnendanáms á vegum Símenntunar Háskólans á Akureyri tóku við skí...

thumbnail
hover

Stoppað í gat á sjókví

Matvælastofnun barst tilkynning frá Arnarlaxi (Fjarðalaxi) föstudaginn 16. ágúst um gat á nótarpoka einnar sjókvíar Arnarlax við ...