HB Grandi mun vinna grásleppu á Vopnafirði

Ákveðið hefur verið að hefja vinnslu á grásleppu hjá HB Granda á Vopnafirði, þegar vertíðin hefst síðar í vetur að lokinni loðnuvertíð, verði eitthvað af loðnuveiðum. Enginn kvóti hefur enn verið gefinn út á loðnuna en verksmiðjan er tilbúin til að taka á móti hráefni.

Magnús Róbertsson, framleiðslustjóri HB Granda, segir í samtali við Kvótann, að í grásleppunni sé um að ræða slægingu og söltun á hrognum líkt og gert hafi verið hjá dótturfélagi HB Granda á Akranesi, Vigni G. Jónssyni. Um verði að ræða vinnslu á grásleppu bæði fyrir austan og annars staðar af landinu, en hrognin verði síðan fullunnin á Akranesi.

Magnús Róbertsson, framleiðslustjóri HB Granda á Vopnafirði.

Hann segir að með þessu ættu flestir eða allir fastir starfsmenn HB Granda á Vopnafirði fá einhverja vinnu. Hann segir að einnig séu allaf allnokkur verkefni milli vertíða í uppsjávarvinnslunni, alls konar þrif og frágangur og síðan undirbúningur. Með þessu ásamt grásleppunni vonist hann því til að föst og stöðug vinna verði fyrir flesta ef ekki alla fasta starfsmenn. Vissulega  séu ennfremur vissir möguleikar í stöðunni, svo sem vinnsla á grálúðu en þar sé ekkert ákveðið.

„Við erum svona að hugsa og skoða og reyna að finna út hvað sé best að gera.  Ég er bara bjartsýnn um að á komandi misserum verði næg vinna. Ég heyri ekki annað en að það sé fullur vilji hjá stjórnendum HB Granda að svo verði,“ segir Magnús.

Tengdar færslur

thumbnail
hover

Venus á leið til Vopnafjarðar

Venus NS er nú á leið til heimahafnar á Vopnafirði með fyrsta kolmunnafarm ársins. Kolmunninn fékkst vestur af Írlandi en þaðan e...

thumbnail
hover

Drög að reglugerð um bann við...

Nú liggja fyrir á samráðsgátt stjórnvalda drög að reglugerð um bann við álaveiðum sem áformað er að setja. Markmið með setn...

thumbnail
hover

Kolmunna landað í Neskaupstað og á...

Norska skipið Manon kom til Neskaupstaðar sl. föstudag með 1.900 tonn af kolmunna. Í kjölfar hans kom síðan Börkur NK á sunnudagsm...