HB Grandi semur við ÚR um kaup á sölufélögum

HB Grandi hf. hefur gert Útgerðarfélagi Reykjavíkur hf. tilboð um kaup á öllu hlutafé í sölufélögum í Japan, Hong Kong og á meginlandi Kína, sem og þjónustufélagi á Íslandi sem tengist framangreindum félögum. Útgerðarfélag Reykjavíkur hf. hefur gengið að því kauptilboði og hafa félögin undirritað kaupsamninga. Öll hin keyptu félög eru í fullri eigu Útgerðarfélags Reykjavíkur hf., sem er þannig seljandinn í viðskiptunum.

Kaupverðið samsvarar alls 31,1 milljónum evra fyrir allt hlutafé allra framangreindra félaga. Kaupin eru gerð með fyrirvara um samþykki stjórna HB Granda hf. og Útgerðarfélags Reykjavíkur hf. sem og samþykkt hluthafafundar HB Granda hf., en fyrirhugað er að kaupverðið verði greitt með útgáfu 133.751.606 nýrra hluta í HB Granda hf. til Útgerðarfélags Reykjavíkur hf. Þetta samsvarar aukningu hlutafjár um 7,3% sem aftur myndi leiða til þess að Útgerðarfélag Reykjavíkur hf. myndi eftir viðskiptin eiga samtals 42,31% heildarhlutafjár í HB Granda hf. Unnin verður áreiðanleikakönnun á hinum keyptu félögum og skýrsla um kaupin samkvæmt lögum um viðskipti tengdra aðila og verður hún kynnt hluthöfum með fundarboði. Hlutabréfin verða afhent við greiðslu kaupverðsins.

Umrædd félög hafa staðið að sölu íslenskra sjávarútvegsafurða á Asíu markaði allt frá árinu 1989. Sölufélögin seldu á síðasta ári rúmlega 38.000 tonn af sjávarafurðum. Velta félaganna nam samtals 146 milljónum evra. Hagnaður eftir afskriftir, skatta og fjármagnsliði (EBITDA) nam 4,2 milljónum evra. Bókfært eigið fé félaganna er 11,5 milljónir evra.

Tilgangur kaupanna er að styrkja stöðu HB Granda og sjávarútvegs á Íslandi á mikilvægum og vaxandi mörkuðum í Asíu.

 

Tengdar færslur

thumbnail
hover

Dregur úr löndun VS-afla

Landanir á svokölluðum VS-afla hafa farið minnkandi á síðustu árum. Á tímabilinu 2012-2013 til 2017-2018 var landaður VS-afli rú...

thumbnail
hover

Fyrstu nemendurnir ljúka stjórnendanámi

  Fyrstu nemendurnir til að ljúka 5. og síðustu lotu stjórnendanáms á vegum Símenntunar Háskólans á Akureyri tóku við skí...

thumbnail
hover

Stoppað í gat á sjókví

Matvælastofnun barst tilkynning frá Arnarlaxi (Fjarðalaxi) föstudaginn 16. ágúst um gat á nótarpoka einnar sjókvíar Arnarlax við ...