-->

Heimsins besti fiskur

Heimsins besti fiskur fæst auðvitað hvergi annars staðar en á Íslandi. Hann er dreginn úr ómenguðum, köldum sjó á ýmis veiðarfæri og fær bestu meðferð sem fáanleg er alla leið á matardiska okkar neytenda. Sú leið er stutt og fljótleg og fiskur dreginn úr sjó að morgni getur verið í kvöldmatinn sama dag.

Þess vegna finnst okkur viðeigandi að vera með uppskrift sem ber það hógværa nafn Besti fiskréttur í heimi. Hana fundum við á vefsíðunni ynjur.is

Innihald:

  • 600 g fiskur (t.d. ýsa eða þorskur)
  • 1  laukur
  • 2 hvítlauksrif
  • 3 gulrætur
  • olía til steikingar
  • 1 askja kirsuberjatómatar (400 g)
  • 2 1/2 dl matreiðslurjómi
  • 2 msk tómatpúrra
  • 1 msk dijon sinnep
  • 2 msk sykur
  • 2 tsk steinselja (fersk eða þurrkuð)
  • chillikrydd
  • salt og pipar

Aðferð:

Hakkið lauk og hvítlauk smátt og skerið gulrætur í sneiðar. Steikið lauk, hvítlauk og gulrætur í olíu á pönnu og bætið svo tómötum, matreiðslurjóma, dijon sinnepi, tómatpúrru, sykri og steinselju á pönnuna og látið sjóða í 5 mínútur. Skerið fiskinn í bita og bætið honum út í sósuna. Látið sjóða í 5-6 mínútur. Smakkið til með salti og pipar. Gott að bera fram með soðnum kartöflum eða hrísgrjónum.

 

Tengdar færslur

thumbnail
hover

Humar fyrir hátíðir

Neysluvenjur yfir jól og áramót breytast stöðugt. Við sem eldri erum vöndumst við lambahrygg, hangikjöt og svið. En þrátt fyrir ...

thumbnail
hover

Lax með appelsínu- og hunangsgljáa og...

Nú splæsum við á okkur laxi með flottum gljáa. Þetta er svolítið austurlenskt ívaf og góð tilbreyting og aspasinn  setur punkti...

thumbnail
hover

Hunangssætur lax

Lax eða ekki lax? Nú hefur komið í ljós að á dönskum veitingastað þykir mönnum betra að bjóða upp á íslenskan en norskan lax...