-->

Hollur laxaborgari

Hamborgarar njóta ávalt vinsælda hjá fólki á öllum aldri, enda geta þeir verið matreiddir á mjög fjölbreyttan hátt. Hér bætist ein leið við hamborgaraflóruna, en það er gullinn laxaborgari. Kannski óvenjuleg leið til að matreiða lax, en sannarlega nokkuð vel heppnuð. Og svo er rétturinn afskaplega hollur. Nú er bara að prufa.

Innihald:

4 bitar af laxi, roðflettir og beinlausir. samtals um 600g

2 msk rautt karrýmauk

Ferskur engifer á stærð við þumal

1 tsk sojasósa

1 búnt af ferskum kóríander, helmingurinn saxaður en hitt í laufum

1 tsk matarolía

Sítrónubátar sem meðlæti

Salat:

2 meðalstórar gulrætur

½ stór agúrka eða ein lítil

2 msk hvítvínsedik

1 tsk púðursykur

Aðferð:

Skerið laxinn í smærri bita og setjið í matvinnsluvél með karrýmaukinu, söxuðum engifer og kóríander og sojasósu. Látið vélina ganga þar til laxinn er gróflega hakkaður. Takið þá “deigið” og mótið í fjóra jafna borgara.

Hitið olíu á góðri pönnu og steikið borgarana í 4-5 mínútur á hvorri hlið þannig að þeir eldist í gegn og verði gullnir að utan.

Skerið gulræturnar og agúrkuna í þunnar sneiðar með rifjárni eða ostaskera til dæmis og setjið í skál. Dreypið edikinu og sykrinum yfir og blandið saman þar til sykurinn er bráðnaður. Bætið þá kóríander út í og blandið vel saman. Færið salatið yfir á disk ásamt sítrónubátum og berið fram með borgurunum og hrísgrjónum.

 

Tengdar færslur

thumbnail
hover

Humar fyrir hátíðir

Neysluvenjur yfir jól og áramót breytast stöðugt. Við sem eldri erum vöndumst við lambahrygg, hangikjöt og svið. En þrátt fyrir ...

thumbnail
hover

Með 17 konum á snyrtilínunni

Fyrsta daginn sem maður vikunnar að þessu sinni var að vinna í fiski 15 ára gamall var hann settur á snyrtilínuna þar sem 17 konur ...

thumbnail
hover

Fylltu skipið af karfa og ufsa

Að undanförnu hafa togarar ekki fiskað neitt sérstaklega vel á miðunum við landið en annað slagið hafa þó komið ágæt skot. Sm...