Humarhalar með kampavínssósu

Þó hamborgarhryggur sé vinsælasti maturinn á aðfangadagskvöld, eru fleiri dagar yfir hátíðarnar, sem við gerum vel við okkur í mat. Nýútkomin uppskriftabók Hrefnu Rósu Sætran, Grillmarkaðurinn, getur komið að góðum notum, þegar velja skal uppskrift að góðum veislurétti. Við fundum þessa yndislegu uppskrift að humri í bókinni og hlökkum til að njóta réttarins um jólin og leyfum okkur að mæla, bæði með bókinni og þessum fína veislurétti.

Innihald:

800 g stórir og fallegir humarhalar
8 msk hvítlaukssósa frá CAJP

Kampavínssósa:

8 stk skalottlaukar
6 hvítlauksrif
1 hvítur laukur
1 flaska kampavín eða gott freyðivín.
500 ml rjómi
salt og pipar

Aðferð:

Saxið laukana gróft niður og svitið þá í potti upp úr olíu. Hellið kampavíninu út í og sjóðið niður um helming. Bætið rjómanum út í og sjóðið aftur niður um helming. Kryddið með salti og pipar.

Grillað:

Kljúfið humarhalana langsum. Hreinsið röndina í burtu en hafið humarinn í skelinni. Þerrið kjötið vel og penslið með hvítlaukssósunni. Grillið á rjúkandi heitu grilli á kjöthliðinni í 4-5 mínútur. Snúið svo humrinum við og grillið áfram í 2 mínútur á skelinni.

Eldað inni:

Kljúfið humarhalana langsum. Hreinsið röndina í burtu en hafið humarinn í skelinni. Þerrið kjötið vel og penslið með hvítlaukssósunni. Hitið pönnu þar til hún er blússandi heit. Hellið smá olíu á pönnuna og raðið humrinum á hana með kjöthliðina niður. Steikið í 2-3 mínútur. Setjið smá smjörklípu út á pönnuna og slökkvið undir.

Gott er að bera fram nýbakað brauð og einfalt salat með humrinum. Humar er svo gott hráefni að maður á ekki að flækja þetta of mikið.

 

Tengdar færslur

thumbnail
hover

Ræða sameiningu Vísis og Þorbjarnar

Eigendur sjávarútvegsfyrirtækjanna Vísis hf. og Þorbjarnar hf. hafa hafið viðræður um að leggja eignir félaganna inn í nýtt fyr...

thumbnail
hover

Fer í draumafríið um jólin

Maður vikunnar að þessu sinni er borinn og barnfæddur Dalvíkingur. Fyrsta launaseðilinn fékk fyrir útskipun á rækju hjá Söltunar...

thumbnail
hover

Bergey orðin blá

Bergey VE hefur verið seld Guðmundi Runólfssyni hf. í Grundarfirði og verður skipið afhent hinum nýja eiganda á næstu dögum og mu...