Humarsúpan frá Blómsturvöllum stendur uppúr

 

Segja má að maður vikunnar á Kvótanum að þessu sinni sé siglfirskur Akureyringur. Hann byrjaði mjög ungur að vinna við fiskeldi hjá föður sínum og við annan sjávarútveg um tvítugt. Nú er hann markaðsstjóri hjá Slippnum á Akureyri. Fjölskyldan, fótbolti og útivera eru áhugamálin og hann langar til að fara til Ástralíu.

Nafn?

Magnús Blöndal Gunnarsson.

Hvaðan ertu?

Ég er frá Akureyri en á ættir að rekja til Siglufjarðar.

Fjölskylduhagir?

Í sambúð með Sylvíu Kolbrá Hákonardóttir og saman eigum við eins árs strák.

Hvar starfar þú núna?

Ég er markaðsstjóri hjá Slippnum á Akureyri.

Hvenær hófst þú vinnu við sjávarútveg?

Ég byrjaði mjög ungur að vinna við fiskeldi hjá föður mínum en byrjaði ekki að vinna í sjávarútvegi fyrr en um tvítugt.

Hvað er það skemmtilegasta við að vinna við íslenskan sjávarútveg?

Fjölbreytnin og þróunin.

En það erfiðasta?

Ekkert sem er beint erfitt, en umræðan um íslenskan sjávarútveg getur stundum verið þreytandi, sérstaklega þegar aðilar sem hafa takmarkað vit á greininni eru að tjá sig.

Hvað er það skrýtnasta sem þú hefur lent í í störfum þínum?

Ekkert sem stendur upp úr.

Hver eftirminnilegasti vinnufélagi þinn?

Fiskeldiskóngurinn Gunnar Blöndal fær þennan titil skuldlaust.

Hver eru áhugamál þín?

Fjölskyldan, fótbolti og útivera.

Hver er uppáhaldsmaturinn þinn?

Humarsúpan frá Blómsturvöllum er ægilega góð.

Hvert færir þú í draumfríið?

Ég væri til í að fara til Ástralíu.

 

Tengdar færslur

thumbnail
hover

Lax með feta og fleiru

Þó laxveiðin í ám landsins hafi gengið illa í sumar og Hafró hafi hvatt veiðimenn til að sleppa sem flestum veiddum löxum, er nó...

thumbnail
hover

Makrílvertíð að hefjast hjá Síldarvinnslunni

Nú er makrílvertíðin að hefjast hjá Síldarvinnslunni en gert hefur verið ráð fyrir að vinnsla á makrílnum hæfist 20. júlí og...

thumbnail
hover

Vigdís heilsaði upp á Vigdísi

Vigdís Hauksdóttir, borgarfulltrúi Miðflokksins, hitti nöfnu sína skilvinduna í fiskimjölsverksmiðju VSV á dögunum og urðu þar ...