Ísland er síld og síld er Ísland

Anton Vasiliev sendiherra Rússlands kom í heimsókn til Neskaupstaðar í gærog í för með honum var Tatiana Khalyapina menningarfulltrúi í sendiráðinu. Kynntu þau sér starfsemi og sögu Síldarvinnslunnar, skoðuðu bæinn og undirbjuggu kvikmyndasýningu sem verður í Neskaupstað á Rússnesku kvikmyndavikunni í september nk.

Sendiherrann sagðist í samtali á heimasíðu Síldarvinnslunnar vera afar ánægður með heimsóknina og færi margfróðari til baka. „Samskiptin á milli Íslands og Rússlands hafa ávallt verið góð og hagsmunir landanna eru gagnkvæmir á mörgum sviðum. Ég er alinn upp við að borða íslenska síld og ávallt þegar síld barst í tal kom Ísland upp í hugann. Í Rússlandi var gjarnan sagt: „Ísland er síld og síld er Ísland.“ Nú stendur til að sýna rússneska kvikmynd í Egilsbúð í Neskaupstað hinn 22. september og það er hluti af hinni árlegu Rússnesku kvikmyndaviku. Þá ætla ég að koma til Neskaupstaðar á ný og njóta heimsóknarinnar í fallegu umhverfi og með góðu fólki,“ sagði Anton Vasiliev sendiherra.

Anton Vasiliev hefur verið sendiherra Rússlands  á Íslandi frá árinu 2014.

 

Tengdar færslur

thumbnail
hover

Sjávarútvegsskólinn blómstrar

Árið 2013 stofnaði Síldarvinnslan Sjávarútvegsskóla Síldarvinnslunnar og hófst kennsla þá um sumarið. Skólinn var ætlaður nem...

thumbnail
hover

HB Grandi semur við ÚR um...

HB Grandi hf. hefur gert Útgerðarfélagi Reykjavíkur hf. tilboð um kaup á öllu hlutafé í sölufélögum í Japan, Hong Kong og á me...

thumbnail
hover

Lítill fiskafli í júní

Landaður afli íslenskra fiskiskipa í júní var 31,7 þúsund tonn sem er 33% minni afli en í júní í fyrra. Samdráttinn má að mest...