Kynna nýja gerð höfuðlínuflota

Færeyska netagerðin Vónin er nú að kynna nýjan búnað til að lyfta höfuðlínu trolla hér en áður þekkist og aukna þannig opnun og veiðihæfni trollsins. Búnaðurinn er kallaður „Flyer” og er hann festur á höfuðlínuna í stað hefðbundinni flota. Um leið og byrjað er að draga trollið, lyftir búnaðurinn höfuðlínunni upp.

Búnaðurinn er byggður þannig upp á þann hátt að á hvorum enda eru flot á milli þeirra eru þrír fletir sem beina flotinu upp á við. Flothylkin halda búnaðinum uppi þó trollið stöðvist í drætti og hækka svo höfuðlínuna í samræmi við hraðann sem er á trollinu

Búnaðurinn tekur svipað pláss á höfuðlínunni og fjögur átta tommu flot, sem gefa 12 kílóa lyftu, en nýbúnaðurinn gefur miklu meiri lyftingu. Miðað við 2,5 hnúa hraða er lyftingin 45 kíló, 63 kíló á þriggja hnúta hraða og 84 kíló á 3,5 hnútum. Við fjögurra hnúta hraða er lyftingin komin í 106 kíló.

Nýju flotin hafa verið til reynslu hjá tvílembingunum Rókur og Lerkur sem draga tvö troll sín á milli. Þannig hefur fengist góður samanburður með hefðbundin flot á öðru trollinu og nýja flotið á hinu.

Nýju flotin eru ekki úr plasti og brotna síður en hefðbundin flot. Því verður minni plastmengun í sjónum með nýju flotunum.

Vónin sýnir nýju flotin á sjávarútvegssýningunni í Kópavogi sem hefst í dag.

 

 

 

Attachments

Tengdar færslur

thumbnail
hover

Aukinn útflutningur frá Færeyjum

Færeyingar fluttu utan fisk og fiskafurðir á síðasta ári að verðmæti 141 milljarður íslenskra króna Það er 9% meira en á ári...

thumbnail
hover

Erum að skapa verðmæti

„Það fylgir þessu birta og gleði, aukin atvinna sem hefur mikil og góð áhrif á samfélagið allt hér í kringum okkur,“ segir J...

thumbnail
hover

Loðnufrysting fyrir Japani hafin af fullum...

Seinni partinn í gær lauk vinnslu á loðnu úr Bjarna Ólafssyni AK í fiskiðjuveri Síldarvinnslunnar en hluti af afla hans fór í fry...