Leggja áherslu á þorskinn

,,Þetta gengur svona upp og ofan. Það veiðist vel af karfa og ufsa með en við höfum þurft að leita sérstaklega að þorskinum. Við höfum þrjá sólarhringa til að ná skammtinum og því kvíði ég engu,“ sagði Friðleifur Einarsson, skipstjóri á ísfisktogaranum Engey RE, er rætt var við hann síðdegis í gær á heimasíðu HB Granda.

Byrjað var að toga í Víkurálnum en er samband náðist við Friðleif var hann nýkominn á Halamið.

,,Við fengum góðan karfaafla í Víkurálnum og svo ufsa með. Við höfum svo unnið okkur norður eftir, með kantinum vestan við Halann, en svo verður bara að koma í ljós hve langt austur við þurfum að fara eftir þorskinum.“

Friðleifur segir að góð karfamið séu á Halanum en hann vonast til að finna þorskinn á meira dýpi en karfinn heldur sig á.

,,Það verður bara að koma í ljós hvort við höfum erindi sem erfiði. Annars skiptir máli að veiða sem mest af réttum tegundum. Helga María AK er farin  í slipp og það kemur því í hlut okkar hinna að veiða eftirstöðvar kvótans. Fiskveiðiárið er að verða búið og ég býst við því að ná þremur löndunum áður en mánuðurinn er úti og nýtt kvótaár hefst,“ segir Friðleifur Einarsson.

Tengdar færslur

thumbnail
hover

Frost, funi og allt þar á...

Starfsmenn Hafnareyrar frysta og sjóða, landa fiski og skipa út fiski, smíða úr tré og járni og sinna ótal mörgu öðru sem upp m...

thumbnail
hover

Merkingar á þorski hafnar á ný

Nú í marsmánuði hóf Hafrannsóknastofnun merkingar á þorski á ný eftir nokkurt hlé. Merktir voru 1800 þorskar um borð í r/s Ár...

thumbnail
hover

Binni tvítugur (í starfi)

Samstarfsfólk á skrifstofu Vinnslustöðvarinnar bar í síðustu viku þessa líka fínu súkkulaðiköku á borð í tilefni af tvítugs...