-->

Minnkandi markaðir fyrir grásleppuhrogn

Alþjóðlegur upplýsingafundur um grásleppumál – LUROMA – var haldinn í Barcelona 1. febrúar sl. Fundurinn er árlegur og var nú haldinn í 31. skiptið.  Það er Landssamband smábátaeigenda sem hefur veg og vanda af fundinum.

Á fundinum fara fulltrúar helstu veiðiþjóða yfir gang veiða á síðustu vertíð niðurstaða hennar sett í samhengi við fyrri ár. Framleiðendur upplýsa um stöðu mála hvað varðar stöðu birgða og horfur fyrir næstu vertíð. Í stuttu máli var niðurstaðan sú að jafnvægi sé milli framboðs og eftirspurnar og horfur fyrir næstu vertíð ágætar.

Á fundinum kom fram að á síðustu vertíð var heimsveiði um 15% undir 10 ára meðaltali.

„Það er áhyggjuefni að mati LS að markaður fyrir grásleppuhrogn hefur farið minnkandi á síðustu árum og engin teikn á lofti um að sú þróun sé að breytast. Hvað veldur er erfitt að fullyrða um, en ýmsar ódýrari vörur eru sagðar vera í auknu mæli að fylla í hillupláss grásleppuhrogna. Samkeppni við smyrjur og aðrar tegundir hrogna hefur aukist og óstöðugt framboð og verð á grásleppuhrognum virðist hafa áhrif.

Vottunarmál voru rædd og upplýst var um að stofnmat á útsel, sem var ein af þremur tegundum sem felldu MSC vottun á Íslandi hefur hækkað um 50% á sex ára tímabili. Óvissa ríkir um endurheimt vottunarinnar og ekki líklegt að hægt verði að spá fyrir um það fyrr en í ljós að kemur hvort stjórnvöld setji þær skorður á veiðarnar sem þarf til að uppfylla skilyrði í aðgerðaráætlum um endurheimt vottunarinnar,“ segir í frétt á heimasíðu Landssambands smábátaeigenda.

 

Tengdar færslur

thumbnail
hover

„Maðurinn er mannveisla“

Maður vikunnar í dag starfar hjá Slippnum á Akureyri. Hann er þessa dagana að vinna í verkefnastjórnun fyrir næsta vinnsluþilfar, ...

thumbnail
hover

Nýr Áskell á heimleið

Nýr Áskell ÞH 48 hefur verið afhentur Gjögri hf. Í Noregi og er væntanlegur til Grindavíkur á mánudaginn kemur. Þann 25. septembe...

thumbnail
hover

Annir í Sjávarklasanum

Síðustu dagar í Sjávarklasanum hafa verið annasamir við móttöku gesta. Gestir frá Kyrrahafinu með sjávarútvegsráðherra Fiji í...