Ný nýtingaráætlun fyrir síld samþykkt

Samningaviðræðum strandríkja sem aðild eiga að veiðum á uppsjávarfiski við Norðaustur-Atlantshaf lauk í gær. Samkomulag náðist um ýmsa þætti en ekki þá mikilvægustu, sem eru skipting heimilda milli strandríkjanna. Viðræðunum verður haldið áfram síðar í þessum mánuði og í byrjun þess næsta.

Viðræður vegna makrílveiða verða teknar upp á ný 24. október í London og gert ráð fyrir að þær standi í þrjá daga. Þá liggur fyrir að ræða um framlengingu og útvíkkun samnings Færeyja, Noregs og ESB um skiptingu veiðiheimilda milli aðildarríkjanna og ákveða leyfilegan heildarafla.

Næsti fundur um veiðar á kolmunna verður haldinn í London í byrjun nóvember. Þar er enn ekkert samkomulag um skiptingu heildaraflans milli strandríkjanna og liggur það því fyrir næsta fundi í byrjun nóvember. Eins og er er samkomulag um að fylgja ráðgjöf Alþjóða hafrannsóknaráðsins um 1,143.629 tonna heildarafla.

Strandveiðiþjóðirnar samþykktu í gær nýja nýtingaráætlun til lengri tíma fyrir norsk-íslenska síld. Í framhaldi þess mun Alþjóða hafrannsóknaráðið leggja fram ráðgjöf um heildarafla og aðildarlöndin síðan hefja viðræður um skiptingu hans.

Tengdar færslur

thumbnail
hover

Steiktu hænsnafótaskinni var erfitt að koma...

Maður vikunnar að þessu sinni byrjaði að vinna í fiski í Vogum á Vatnsleysuströnd 14 ára gömul. Nú er hún einn af sölustjórum...

thumbnail
hover

2.870 útselir í grásleppunet á ári!

Umhverfisvottun á grásleppuveiðar var felld niður í byrjun þessa árs vegna áætlaðs meðafla af útsel við veiðarnar. Axel Helgas...

thumbnail
hover

Vilja sjá þorskinn lifandi áður en...

Einkennilegar óskir um kaup á sjávarfurðum berast stundum til útflytjenda og samtaka í fiskvinnslu og fiskveiðum. Beiðni um lifandi ...