Plokkfiskur í uppáhaldi

Maður vikunnar á Kvótanum að þessu sinni er Snorri Jónsson, vinnslustjóri fiskimjölsverksmiðju Síldarvinnslunnar á Seyðisfirði. Snorri byrjaði að vinna við sjávarútveg í Siglufirði 1964 og hefur unnið við fiskmjölsverksmiðjuna í meira en 40 ár.

Nafn?

Snorri Jónsson.

Hvaðan ertu?

Siglunesi.

Fjölskylduhagir?

Giftur Jónbjörtu Aðalsteinsdóttur og við eigum tvo syni.

Hvar starfar þú núna?

Vinnslustjóri hjá Síldarvinnslunni h/f lýsis og fiskimjölverksmiðju Seyðisfirði.

Hvenær hófst þú vinnu við sjávarútveg?

1964 hjá söltunar og frystihúsinu Hrímni h/f Siglufirði.

Hvað er það skemmtilegasta við að vinna við íslenskan sjávarútveg?

Að hafa upplifað þær gífurlegu framfarir við komu tölvunnar (fyrsta tölvan var sett upp 1986 til að stýra gufuloka). 1991 voru nánast öll tæki í verksmiðjunni komin með tölvustýringu. 1973 þegar ég byrjaði hjá Síldarverksmiðjum Ríkisins, SR-Mjöli, og núna er það SVN, voru 36 mans á vakt en eru núna 6 á vakt.

En það erfiðasta?

Að sjá á eftir vinum sínum undir græna torfu.

Hvað er það skrýtnasta sem þú hefur lent í í störfum þínum?

Það er margt skrýtið sem hefur orðið á þessum 45 árum. Eins og þegar 200 tonna lýsistankur sogaðist saman og leit út eins og krumpuð kókdolla.

Hver eftirminnilegasti vinnufélagi þinn?

Steingrímur Garðarsson Siglufirði.

Hver eru áhugamál þín?

Ég er búinn að starfa með Lions í  38 ár svo er ég í Skógræktarfélaginu, gönguklúbbnum, stangveiðifélaginu, Sálarrannsóknarfélaginu og rauðakrossdeildinni.   

Hver er uppáhaldsmaturinn þinn?

Plokkfiskur.

Hvert færir þú í draumfríið?

Til Nýja-Sjálands. 

Tengdar færslur

thumbnail
hover

Fisk-Seafood kaupir hlut Brims í VSV

FISK-Seafood ehf. á Sauðárkróki hefur gengið frá samningi um kaup á öllum eignarhlut Brims hf. í Vinnslustöðinni hf. í Vestmanna...

thumbnail
hover

Margt til umræðu á aðalfundum félaga...

Aðalfundir svæðisfélaga LS standa nú sem hæst.  Félagsmenn eru hér með minntir á fundina og hvattir til að taka þátt í þeim....

thumbnail
hover

Íslenski fiskurinn í aðalhlutverki

Mikið var um að vera á Íslandsdögum (Islandtage) sem haldnir voru á hafnarsvæðinu í Bremerhaven, Þýskalandi dagana 29. ágúst ti...