Samfelld makrílvinnsla

Að undanförnu hefur verið samfelld makrílvinnsla í fiskiðjuveri Síldarvinnslunnar í Neskaupstað. Verið var að ljúka við að vinna afla úr Bjarna Ólafssyni AK fyrir hádegi og þá hófst vinnsla úr Beiti NK sem kominn var með 950 tonn úr Smugunni. Jón Gunnar Sigurjónsson yfirverkstjóri í fiskiðjuverinu segir að vinnslan gangi afar vel.

„Vinnslan hefur verið samfelld og hráefnið er sífellt betra. Fiskurinn er stinnur og fallegur og átulaus. Það er í reyndinni 100% nýting á afla skipanna. Það fer að síga á seinni hluta makrílvertíðarinnar hjá okkur og þá snúa menn sér að síldinni,“ segir Jón Gunnar í samtali á heimasíðu Síldarvinnslunnar.

Að undanförnu hafa borist fréttir af mikilli síld út af Austfjörðum þannig að væntanlega þurfa skipin ekki að sækja hana langan veg þegar veiðar hefjast.

Ljósmynd Þorgeir Baldursson.

 

Tengdar færslur

thumbnail
hover

Venus á leið til Vopnafjarðar

Venus NS er nú á leið til heimahafnar á Vopnafirði með fyrsta kolmunnafarm ársins. Kolmunninn fékkst vestur af Írlandi en þaðan e...

thumbnail
hover

Drög að reglugerð um bann við...

Nú liggja fyrir á samráðsgátt stjórnvalda drög að reglugerð um bann við álaveiðum sem áformað er að setja. Markmið með setn...

thumbnail
hover

Kolmunna landað í Neskaupstað og á...

Norska skipið Manon kom til Neskaupstaðar sl. föstudag með 1.900 tonn af kolmunna. Í kjölfar hans kom síðan Börkur NK á sunnudagsm...