Sjávarfangsrisotto

Nú förum við á suðrænar slóðir í eldamennskunni og höfum risotto með sjávarfangi í matinn. Þetta er sérlega hollur og góður réttur og gaman að breyta til í eldamennskunni og nota mikið af skelfiski og sjaldgæfari tegundir eins og smokkfisk.  Uppskriftin er fengin úr bæklingi Altungu, Fiskmeti fyrir öll tækifæri.

Innihald:

500 g kræklingur
2 tómatar, afhýddir og hakkaðir
310 ml hvítvín
1,25 lítrar fiskisoð
nokkrir saffranþræðir
2 msk ólífuolía
30 g smjör
500 g hrá rækja pilluð og garndregin (ef notaðar eru pillaðar rækjur þarf aðeins 250 g af þeim)

200 g hörpudiskur, án hrogna
225 g smokkfiskur
3 hvítlauksrif, marin
1 laukur, fínsaxaður
440 g risottohrísgrjón
2 msk. Söxuð ítölsk steinselja
125 ml rjómi

Aðferðin:

Burstið kræklinginn og fjarlægið þræðina. Fleygið brotnum skeljum og þeim sem ekki lokast þegar bankað er á þær. Skerið kross í botninn á tómötunum og setjið þá í sjóðandi vatn í 30 sek. Skellið þeim í kalt vatn og flysjið þá. Byrjið í krossinum.

Setjið kræklinginn og vínið í pott og sjóðið með lokið á í 5 mín. yfir meðalhita, eða þar til skeljarmar opnast. Látið renna af þeim en geymið soðið.

Setjið fisksoðið, kræklingasoðið og saffran í pott og haldið heitu.

Hitið olíu og smjör í potti yfir meðalhita, setjið rækjurnar út í og steikið í 2-3 mín. eða þar til þær verða bleikar. Færið þær upp úr pottinum og setjið hörpudiskinn og smokkfiskinn í staðinn, steikið í 1ö2 mín. og færið þá upp. Setjið hvítlauk og lauk í pottinn og steikið þar til laukurinn verður mjúkur og gulllitaður. Bætið hrísgrjónunum saman við og hrærið í svo þau þekist vel.

Ausið 125 ml. af heitum vökvanum saman við hrísgrjónin og hrærið stöðugt í þar til allur vökvi er horfinn. Endurtakið þetta nokkrum sinnum, 125 ml. í einu og hrærið stöðugt í. Það tekur um 25 mín. fyrir allan vökvann að dragast inn í hrísgrjónin. Hrærið sjávarfangi, tómötum, steinselju og rjóma saman við og hitið þar til blandan er heit í gegn. Kryddið að smekk með salti og pipar.

Tengdar færslur

thumbnail
hover

Konudagshumar

Jæja piltar. Á morgun er dagur til að dekra við konuna enn frekar en aðra daga, gera henni góðan dagamun og elda fyrir hana rétt sem...

thumbnail
hover

Þorskur á grískan hátt

Nú þegar vetrarvertíðin er að hefjast af fullum krafti finnst okkur viðeigandi að bjóða upp á þorsk í uppskrift vikunnar. Uppskr...

thumbnail
hover

Grískur gullkarfaréttur

Nú prófum við að elda karfa, þennan ágæta matfisk, sem þó er sjaldan á borðum okkar Íslendinga. Til að fá góða uppskrift lei...