Skemmtilegt og krefjandi

Mann vikunnar á Kvótanum finnum við að þessu sinni í Grindavík, Jónu Rúnu Erlingsdóttur. Hún er gæðastjóri í saltfiskvinnslu Vísis hf. og hefur unnið í fiski frá 16 ára aldri. Nú er að hefjast nýtt fiskveiðiár og sumarleyfum í sjávarútveginum lokið. Því hefjast veiðar af fullum krafti og í kjölfarið verður nóg að gera í vinnslunni hjá Jónu Rúnu og samstarfsfólki hennar.

Nafn
Jóna Rúna Erlingsdóttir

Hvaðan ertu?

Grindavík.

Fjölskylduhagir:

Unnusti Jón Björn Lárusson og eigum saman 4 syni.

Hvar starfar þú núna?

Gæðastjóri í saltfiskvinnslu  Vísis hf.

Hvenær hófst þú vinnu við sjávarútveg?

Árið 2001 þá 16 ára gömul.

Hvað er það skemmtilegasta við að vinna við íslenskan sjávarútveg?

Ætli það sé ekki fjölbreytileikinn í starfi, það er bæði skemmtilegt og krefjandi. Og svo auðvitað samstarfsfélagarnir.

En það erfiðasta?

Ætli það sé ekki samstarfsfélagarnir líka hehe!

Hvað er það skrýtnasta sem þú hefur lent í í störfum þínum?

Kemur ekkert eitt upp í hugann. 

Hver eftirminnilegasti vinnufélagi þinn?

Það eru margar eftirminnilegar konur sem ég hef unnið með í gegnum árin og allar áttu þær það sameiginlegt að vera hörku naglar. En ef ég nefni einn að þá er það hann BJÖRN.

Hver eru áhugamál þín?

Fjölskyldan , líkamsrækt, ferðast og söngur. 

Hver er uppáhaldsmaturinn þinn?

Kjötsúpa.

Hvert færir þú í draumafríið?

Til Ítalíu með fjölskylduna. 

 

Tengdar færslur

thumbnail
hover

Venus á leið til Vopnafjarðar

Venus NS er nú á leið til heimahafnar á Vopnafirði með fyrsta kolmunnafarm ársins. Kolmunninn fékkst vestur af Írlandi en þaðan e...

thumbnail
hover

Drög að reglugerð um bann við...

Nú liggja fyrir á samráðsgátt stjórnvalda drög að reglugerð um bann við álaveiðum sem áformað er að setja. Markmið með setn...

thumbnail
hover

Kolmunna landað í Neskaupstað og á...

Norska skipið Manon kom til Neskaupstaðar sl. föstudag með 1.900 tonn af kolmunna. Í kjölfar hans kom síðan Börkur NK á sunnudagsm...