Spá minni botnfiskafla á næsta ári

Alþjóðlega ráðstefnan um fiskveiðar, Groundfish Forum, gerir ráð fyrir að framboð af svokölluðum hvítfiski á næsta ári muni dragast lítillega saman á næsta ári. Skýringin er lækkun á kvóta í veiðum Rússa á ufsa og og veiðum á þorski og ufsa úr Atlantshafi.

Sérfræðingar ráðstefnunnar gera ráð fyrir því að heildarafli verði 7,4 milljónir á næsta ári og verði um um 100.000 tonnum minni en í ár. Í þessum áætlunum eru ekki teknar inn í dæmið veiðar á kolmunna, en áætlað er að þær skili 1,6 milljónum tonna í ár.

Áætlanir ráðstefnunnar gera ráð fyrir að alaskaufsakvóti Rússa á næsta ári lækki um 90.000 tonn og verði 1,7 milljónir tonna. Gert er ráð fyrir að ufsakvóti Bandaríkjanna verði áfram um 1,5 milljónir tonna.

Hvað varðar þorsk úr Atlantshafi hefur Alþjóða hafrannsóknaráðið lagt til 20% niðurskurð á veiðiheimildum í Barentshafi, Groundfish Forum gerir þó ekki ráð fyrir meira en 6% samdrætti í heildarþorskafla úr Atlantshafinu, meðal annars vegna aukinna veiða við Ísland.

Gert er ráð fyrir að veiðar á kyrrahafsþorski dragist saman á næsta ári við Bandaríkin, aflinn minnki um 20.000 tonn og verði 250.000 tonn alls. Á hinn bóginn er búist við því að veiðar Rússa aukist um 4.000 tonn og verði alls um 100.000 tonn.

Í ýsunni hefur Alþjóða hafrannsóknaráðið lagt til 13% niðurskurð í Barentshafinu og gera sérfræðingarnir ráð fyrir að heildaraflinn farið niður um 9% og verði alls 331.000 tonn. Á hinn bóginn er gert ráð fyrir að ufsaafli úr Atlantshafi verið 412.000 tonn sem er 12% aukning.

Þá er búist við því að afli á lýsingi verði svipaður eða um 1,1 milljón tonna, að afli á hokinhala aukist um 7.000 tonn og verði 206.000 tonn og af veiðar á karfa skili 182.000 tonnum.

 

Tengdar færslur

thumbnail
hover

Í skrúfustærðinni liggur olíuhundurinn grafinn

Nýr ísfiskstogari Vinnslustöðvarinnar, Breki, gerir gott betur en að uppfylla væntingar útgerðar og áhafnar til skipsins í fyrstu ...

thumbnail
hover

Marel gengur frá kaupum á MAJA

Marel tilkynnti 25. júlí síðastliðinn að fyrirtækið hefði samþykkt kaup á MAJA, þýskum framleiðenda matvinnslubúnaðar. Samke...

thumbnail
hover

Tvöfalda framleiðslu á hrognkelsum

Fyrirtækið Ocean Matters í Wales hefur nú í hyggju að tvöfalda eldi sitt á hrognkelsi eftir að hafa tryggt sér fjármögnun upp á...