Steiktur þorskur með grænni sósu

Þorskurinn er kallaður ýmsum nöfnum. Algengt er að segja „sá guli“ um þennan góða fisk. Hér fáum við hins vegar útgáfu af honum, sem ekki er algeng, eða þorsk í grænu. Liturinn vísar reyndar til sósunnar með fiskinum en víst er að hann er jafngóður hvernig sem sósan er á litinn. En þessa góðu uppskrift fundum við á síðunni fiskur í matinn, en þar er að finna mikið af góðum uppskriftum að mjög góðum fiskréttum.

Innihald:

  • 800 g þorskur
  • 2 stk hvítlauksgeirar
  • Rósmarín
  • Ólífuolía
  • Salt og pipar

Græn sósa

  • 2 msk steinselja, fínsöxuð
  • 1 msk minta, fínsöxuð
  • 1 msk basil, fínsaxað
  • 1 hvítlauksgeiri, fínsaxaður
  • 1 msk kapers, saxað
  • 1 msk Dijon-sinnep
  • 1 msk rauðvínsedik
  • Jómfrúarolía

Aðferð:

Þorskurinn er brúnaður í ólífuolíu á pönnu í 2 mín. á hvorri hlið. Hvítlauksgeirar og rósmarín er sett með í olíuna og fiskurinn er saltaður og pipraður. Fiskurinn er síðan settur í eldfast mót og bakaður við 180°C í 6 mín.

Græn sósa:

Setjið kryddjurtirnar og kapersið í skál og látið ólífuolíu fljóta yfir. Blandið þá sinnepinu og edikinu saman við og kryddið með salti og pipar. Bætið við ólífuolíu ef þurfa þykir. Berið fram með þorskinum.

Tengdar færslur

thumbnail
hover

Frost, funi og allt þar á...

Starfsmenn Hafnareyrar frysta og sjóða, landa fiski og skipa út fiski, smíða úr tré og járni og sinna ótal mörgu öðru sem upp m...

thumbnail
hover

Merkingar á þorski hafnar á ný

Nú í marsmánuði hóf Hafrannsóknastofnun merkingar á þorski á ný eftir nokkurt hlé. Merktir voru 1800 þorskar um borð í r/s Ár...

thumbnail
hover

Binni tvítugur (í starfi)

Samstarfsfólk á skrifstofu Vinnslustöðvarinnar bar í síðustu viku þessa líka fínu súkkulaðiköku á borð í tilefni af tvítugs...