Stöðugleiki framundan

„Ég er bara þokkalega sáttur við stöðuna í þorskinum. Stofninn virðist standa vel og stöðugleiki virðist vera framundan svo langt sem þeir sjá. Það hefur ekki komið jafnskýrt fram á undanförnum árum eins og nú. Það ánægjulegt að horfa upp á það,“ segir Árni Bjarnason, formaður Félags skipstjórnarmanna, um tillögur Hafró um heildarafla á komandi fiskveiðiári.

Þá er mikil aukning í ýsu sem kemur svolítið á óvart. Sömuleiðis er 30% aukning í ufsa. Miðað við það sem maður heyrir í mönnum úti á sjó, kemur það á óvart. Þeir hafa verið að bera sig illa því erfitt hefur verið að ná í hann. Ufsinn er ein alerfiðasta tegundin til að stofnmæla. Hann hagar sér öðruvísi en önnur kvikindi í sjónum. Hann er ekki staðbundinn, er mikið á ferðinni og kemur og fer. Hann er og verður erfiðari en flestir aðrir fiskar í stofnmælingu.

Árni segir einnig að hann sé ánægður með aukningu í djúpkarfa. Heimildir í honum hafi verið tálgaðar niður undanfarin ár. Hins vegar komi á óvart lækkun í gullkarfa því heyrst hafi um stöðugan vöxt í honum undanfarin ár og auðveldara hafi verið að nálgast hann. Þá segir Árni áhyggjuefni að enn virðist sýking vera viðvarandi í síldarstofninum, sem standi vexti stofnsins fyrir þrifum. Ég vona svo sannarlega að það lagist,“ segir Árni Bjarnason.

Á myndinni eru Árni Bjarnason, formaður félags Skipstjórnarmanna, og Valmundur Valmundsson og Hólgeir Jónsson, forustumenn sjómannasambands Íslands.

Ljósmynd Hjörtur Gíslason.

Tengdar færslur

thumbnail
hover

Steiktu hænsnafótaskinni var erfitt að koma...

Maður vikunnar að þessu sinni byrjaði að vinna í fiski í Vogum á Vatnsleysuströnd 14 ára gömul. Nú er hún einn af sölustjórum...

thumbnail
hover

2.870 útselir í grásleppunet á ári!

Umhverfisvottun á grásleppuveiðar var felld niður í byrjun þessa árs vegna áætlaðs meðafla af útsel við veiðarnar. Axel Helgas...

thumbnail
hover

Vilja sjá þorskinn lifandi áður en...

Einkennilegar óskir um kaup á sjávarfurðum berast stundum til útflytjenda og samtaka í fiskvinnslu og fiskveiðum. Beiðni um lifandi ...