„Þróunarkvótar“ í boði i Færeyjum

Færeyska sjávarútvegsráðuneytið auglýsir nú eftir umsóknum um „þróunarkvóta“, eða menningarkvotur, eins og það heitir á færeysku. Í ár eru í boði 41.912 tonn af kolmunna, 8749 tonn af makríl og 7.510 tonn af norsk-íslenskri síld. Frestur til að sækja um er til 28. maí.

Skilyrði fyrir mögulegri úthlutun er að nákvæmlega sé lýst í hverju verkefnið felst. Á hvaða stöðum á eyjunum verkefni verði unnið. Koma skal fram um hve mikið magn sótt er um og hvert markmiðið sé. Lýst skal hvernig verkefnið auki virði afurðanna, starfsemi, fjölgi störfum, hverjar áætlaðar tekjur eru á þeim stöðum sem unnið er. Þá þarf að liggja fyrir framkvæmdaáætlun og fjármögnun og hvernig nýta skuli aflaheimildirnar til virðisauka frá veiðum, vinnslu og sölu á markaði.
Þróunarkvótarnir eru til eins, tveggja, þriggja eða fjögurra ára, en af heildarúthlutun skal að minnsta kosti fjórðungur nýtast inna fyrsta ársins.

Þessum veiðiheimildum má ýmist úthluta til einstaklinga eða félaga sem uppfylla skilyrði um eignaraðild og eru til heimilis í Færeyjum samkvæmt lögum fiskveiðar.

 

Tengdar færslur

thumbnail
hover

Ýsa á hrísgrjónum í ofni

Matreiðslubækur halda sínum vinsældum og segja má að fyrir hver jól komi eins slík út. Nú, fyrir jólin, kom út matreiðslubókin...

thumbnail
hover

Er að gera eitthvað skrýtið alla...

Maður vikunnar að þessu sinni er forfallinn stangveiðimaður og er leiðsögumaður á sumrin. Þar fyrir utan starfar hann hjá fyrirt...

thumbnail
hover

Nýr léttabátur fyrir Gæsluna

Landhelgisgæslan fékk nýjan og glæsilegan léttbát fyrir varðskipið Tý afhentan í vikunni. Hann nefnist Flengur 850 og var smíða...