Uppskrift númer 305

Þorskurinn getur þvælst fyrir á stundum. Það er ekki alltaf auðvelt að sækja hann vegna veðurs og hann getur vafist fyrir í vinnslunni af ýmsum orsökum. Þá getur verið snúið að koma honum ferskum til kaupenda þegar veður eru válynd og samgöngur erfiðar.

Hitt er hins vegar ekkert snúið, þegar að neytendum kemur. Fiskurinn góði skilar sér alltaf í verslanir ferskur og fallegur. Það eina sem við þurfum að gera gera er að sækja þorskinn út í búð og gera úr honum einfaldan og hollan veislumat. Og ef hugmyndaflugið fyrir eldamennskuna er í lægra lagi, er bara að kíkja inn á Kvótann, en þar er að finna um 300 uppskriftir að gómsætum sjávarréttum. Hér kemur uppskrift númer 305

Innihald:

800g góðir þorskhnakkar

3 hálfar papríkur, rauðar, gular og grænar

um 1 dl góð matarolía

250 g af nýjum kartöflum skornar í hæfilega bita

1 rauðlaukur gróft saxaður.

Safi úr einni sítrónu

Gott stökkt brauð

Aðferð:

Hellið olíunni á góða steikarpönnu og hitið vel. Steikið laukinn og kartöflurnar í olíunni uns kartöflurnar eru orðnar gullnar.

Bætið papríkunni út á pönnuna og látið mýkjast. Setjið fiskinn í hæfilegum bitum út á pönnuna og lokið henni og látið malla í um 5 mínútur eða þar til fiskurinn er eldaður í gegn og grænmetið orðið mjúkt.

Berið fram með grófu brauði og salati að eigin vali.

 

Tengdar færslur

thumbnail
hover

Ræða sameiningu Vísis og Þorbjarnar

Eigendur sjávarútvegsfyrirtækjanna Vísis hf. og Þorbjarnar hf. hafa hafið viðræður um að leggja eignir félaganna inn í nýtt fyr...

thumbnail
hover

Fer í draumafríið um jólin

Maður vikunnar að þessu sinni er borinn og barnfæddur Dalvíkingur. Fyrsta launaseðilinn fékk fyrir útskipun á rækju hjá Söltunar...

thumbnail
hover

Bergey orðin blá

Bergey VE hefur verið seld Guðmundi Runólfssyni hf. í Grundarfirði og verður skipið afhent hinum nýja eiganda á næstu dögum og mu...