-->

Væri til í að skoða Víetnam

Stjörnufiskur í Grindavík er ein af mörgum harðfiskverkunum landsins. Maður vikunnar að þessu sinni stjórnar þar daglegum rekstri. Hann er uppalinn í Borgarfirði, en byrjaði að vinna í fiski hjá Bylgjunni í Ólafsvík. Áhugamál hans eru skotveiði og lyftingar.

Nafn?

Guðni Már Þorsteinsson.

Hvaðan ertu?

Ég ólst upp í Borgarfirði, en svo fór ég til Ólafsvíkur. Var þar í 20 ár og flutti til Grindavíkur fyrir rúmum þremur árum og líkar vel.

Fjölskylduhagir?

Giftur Magðalenu Kristjánsdóttur og á þrjú börn. Þau eru Særós Freyja, Elma Rún og Freyþór Már.

Hvar starfar þú núna?

Ég sé um Stjörnufisk.

Hvenær hófst þú vinnu við sjávarútveg?

Byrjaði 1996 í Fiskiðjunni Bylgjunni í Ólafsvík.

Hvað er það skemmtilegasta við að vinna við íslenskan sjávarútveg?

Það er svo margt. Fólkið og enginn dagur eins.

En það erfiðasta?

Veðrið.

Hvað er það skrýtnasta sem þú hefur lent í í störfum þínum?

Ég hef upplifað allskonar brosleg atvik.

Hver eftirminnilegasti vinnufélagi þinn?

Rögnvaldur Erlingur Sigmarsson (Eddi).

Hver eru áhugamál þín?

Skotveiði og lyftingar.

Hver er uppáhaldsmaturinn þinn?

Harðfiskur.

Hvert færir þú í draumfríið?

Er til í að skoða Víetnam.

 

Tengdar færslur

thumbnail
hover

Helgi aflahæstur í maí

Jónas SH-237 varð aflahæstur strandveiðibáta í maí.  Skipstjóri og eigandi er Helgi Bergsson Ólafsvík.  Helgi náði 12 veiðife...

thumbnail
hover

Besti grálúðutúr Blængs

Frystitogarinn Blængur NK kom til Neskaupstaðar í gær með fullar lestar. Aflinn í veiðiferðinni var 570 tonn upp úr sjó að verðm...

thumbnail
hover

Sjávarklasinn stofnar sjávarakademíu

Sjávarakademía Sjávarklasans var í dag sett á laggirnar í nánu samstarfi við Fisktækniskóla Íslands. Í Sjávarakademíunni mun n...