Vélin fór í mask eftir korter

Útgerðarstjóri Vísis hf. í Grindavík, Kjartan Viðarsson, er maður vikunnar á Kvótanum þessa vikuna. Hann hefur lengi unnið við sjávarútveg og byrjaði um fermingu í saltfiski hjá Gunnsa í Þorbirni. Hann segir mikið af skemmtilegu fólki starfa við sjávarútveginn.

Nafn?

Kjartan Viðarsson.

Hvaðan ertu?

Grindavík.

Fjölskylduhagir?

Giftur og á tvo syni.

Hvar starfar þú núna?

Hjá Vísi hf.

Hvenær hófst þú vinnu við sjávarútveg?

Ég byrjaði að vinna um fermingu í saltfiski hjá Gunnsa í Þorbirni í sumarvinnu.

Hvað er það skemmtilegasta við að vinna við íslenskan sjávarútveg?

Fjölbreytni, mikið af tækninýjungum og ótrúlega mikið af skemmtilegu fólki.

En það erfiðasta?

Stress og álag.

Hvað er það skrýtnasta sem þú hefur lent í í störfum þínum?

Það hefur nú gengið á ýmsu, mér er sérstaklega minnisstætt þegar búið var að eyða hálfum mánuði í að taka upp vélina í Páli Jónssyni og hún fór síðan í mask eftir korters keyrslu við bryggju.

Hver eftirminnilegasti vinnufélagi þinn?

Það er klárlega Sigmundur Friðriksson heitinn frá Bíldudal sem var lengi vélstjóri á Kristínu GK.

Hver eru áhugamál þín?

Það er bara þetta hefðbundna, útivera og ferðalög.

Hver er uppáhaldsmaturinn þinn?

Saltkjöt og baunir.

Hvert færir þú í draumfríið?

Í göngu um Hornstrandir.

 

Tengdar færslur

thumbnail
hover

Þór dregur Akurey til hafnar

Varðskipið Þór er nú með ísfisktogarann Akurey AK-10 í togi á leið til hafnar í Reykjavík eftir að skipið varð vélarvana dj...

thumbnail
hover

Vilja bragarbót á flota Hafró

Helstu hagsmunasamtök í íslenskum sjávarútvegi skora nú á stjórnvöld vinna að tafarlausum útbótum á skipaflota Hafrannsóknasto...

thumbnail
hover

Næst minnsti humarkvóti sögunnar

Hafrannsóknastofnun ráðleggur að humarafli fiskveiðiárið 2017/2018 verði ekki meiri en 1.150 tonn. Það verður næstminnsti kvóti...