Viðgerð á Þúfu gekk vel

Lokið var við viðgerð og endurbætur í umhverfislistaverkinu Þúfu um þremur mánuðum eftir að miklar skemmdir urðu á verkinu í gríðarlegu vatnsveðri sem gekk yfir suðvestanvert landið í lok febrúar sl. Að sögn Gísla Sigmarssonar, tæknistjóra HB Granda í Reykjavík, myndaðist stórt skarð í Þúfu eftir að hluti brekkunnar rann niður í vatnsveðrinu.

,,Eftir skemmdirnar á Þúfu var strax hafist handa við að byggja verkið upp á þann hátt að svona lagað gerist ekki aftur. Þar sem Þúfa er einstakt verk, gert eftir forskrift listakonunnar Ólafar Nordal, þurfti að finna leið til að gera verkið öruggt án þess að hrófla þyrfti við við efnisvali og lagi,“ segir Gísli í samtali á heimasíðu HB Granda, en til verksins voru fengnir sérfræðingar frá verkfræðistofunum Eflu og VSO auk verktakanna Stokka og steina sf. og Jarðvegs ehf.

,,Viðgerðinni var lokið fyrir sjómannadaginn og eftir því sem liðið hefur á sumarið er nokkuð ljóst að vel hefur til tekist,“ sagði Gísli Sigmarsson.

Þúfa er vinsæll áningarstaður ferðamanna sem sækja heim Reykjavík. Verkið stendur austan við Ísbjörninn á Norðurgarði, skammt vestan við innsiglinguna á Reykjavíkurhöfn.

Tengdar færslur

thumbnail
hover

Gylfi hættir sem forstjóri Eimskips um...

Stjórn Eimskipafélags Íslands hf. og forstjóri félagsins Gylfi Sigfússon hafa komist að samkomulagi um að Gylfi láti af störfum se...

thumbnail
hover

Flytur erindi um plast í þorski...

Föstudaginn 23. nóvember kl. 11:00 mun Anne de Vries flytja erindi á málstofu Hafrannsóknastofnunar. Erindið mun fjalla um mælingar A...

thumbnail
hover

Samdráttur í útflutningi frá Færeyjum

Útflutningur sjávarafurða frá Færeyjum dróst saman á fyrstu níu mánuðum ársins um 15% í verðmæti og 8% í magni. Heildarverðm...