Vilja fresta afgreiðslu fiskeldisfrumvarps

Samtök fyrirtækja í sjávarútvegi leggja til að afgreiðslu fiskeldisfrumvarps ríkisstjórnarinnar verði frestað. Þetta kemur fram í athugasemdum Heiðrúnar Lindar Marteinsdóttur, framkvæmdastjóra SFS. Þær eru birtar á heimasíðu samtakanna:

„Frumvarp til laga um starfsumhverfi fiskeldis er nú til annarrar umræðu á Alþingi. Fram kom í ræðu framsögumanns atvinnuveganefndar á Alþingi að mikil eindrægni hefði verið í nefndinni um málið og tekist hefði að sætta þar ýmis sjónarmið. Þótt sögð hafi verið samstaða í nefndinni, eru það þó fyrirtækin í landinu sem þurfa að fylgja ákvæðum nýrra laga, þar er veruleikinn fyrir utan veggi Alþingis.

Samtök fyrirtækja í sjávarútvegi vilja árétta að fiskeldi er að verða veigamikil stoð í íslensku efnahagslífi og mikilvægt er að uppbygging þess verði í sátt við bæði samfélag og umhverfi. Fyrirliggjandi frumvarp þrengir hins vegar mjög að rekstrarskilyrðum fiskeldisfyrirtækja og hamlar verulega þeirri uppbyggingu sem nauðsynleg er í atvinnugreininni svo hún geti til framtíðar skapað góð störf og skilað tekjum til samfélagsins. Margir þýðingarmiklir agnúar eru á frumvarpinu og um áhrif þeirra fást engin svör, hvorki frá ráðherra né þingmönnum.

Af þessum sökum óska Samtök fyrirtækja í sjávarútvegi þess að afgreiðslu frumvarpsins verði frestað. Færi gefst þá til að endurskoða mikilvæga efnisþætti frumvarpsins og færa til betri vegar. Sú vinna gæti þá orðið til þess að skapa meiri sátt um fiskeldi.“

 

 

Tengdar færslur

thumbnail
hover

Sjávarútvegsskólinn blómstrar

Árið 2013 stofnaði Síldarvinnslan Sjávarútvegsskóla Síldarvinnslunnar og hófst kennsla þá um sumarið. Skólinn var ætlaður nem...

thumbnail
hover

HB Grandi semur við ÚR um...

HB Grandi hf. hefur gert Útgerðarfélagi Reykjavíkur hf. tilboð um kaup á öllu hlutafé í sölufélögum í Japan, Hong Kong og á me...

thumbnail
hover

Lítill fiskafli í júní

Landaður afli íslenskra fiskiskipa í júní var 31,7 þúsund tonn sem er 33% minni afli en í júní í fyrra. Samdráttinn má að mest...