-->

,,Vitlaust veður lengst af túrnum“

Áhöfnin á Akurey AK kom  til Reykjavíkur í gærmorgun úr veiðiferð sem stóð yfir í fimm daga. Veiðiferðin byrjaði á nokkrum holum á Reykjanesgrunni en veiðum lauk í Víkurálnum á miðvikudag.

,,Við höfðum spurnir af ufsaveiðum á Reykjanesgrunni og því var ákveðið að byrja þar. Við tókum ein þrjú hol og fengum sæmilegasta ufsaafla,“ segir Eiríkur Jónsson skipstjóri í samtali á heimasíðu HB Granda.
Frá Reykjanesgrunni var stefnan sett á Vestfjarðamið.
,,Við vorum að veiðum í kantinum vestur af Vestfjörðum og lengst af í snælduvitlausu veðri. Veðrið byrjaði ekki að ganga niður af einhverju marki fyrr en aðfararnótt þriðjudags. Þrátt fyrir slæmar aðstæður var þokkalegasta kropp og við erum með um 120 tonna afla. Mest er þetta þorskur en einnig karfi og ufsi og svo eru nokkrir ýsusporðar með í aflanum.“
Að sögn Eiríks var ekki mikið um skip á miðunum en fréttir bárust hins vegar af því að nokkur skip hefðu fengið sæmilegan ýsuafla á Strandagrunni.
,,Þangað voru 150 mílur og veðráttan gaf ekki tilefni til ferðalaga. Við létum Halann sömuleiðis eiga sig en menn eru sammála um að þar hafi verið rólegt yfir aflabrögðum síðustu vikuna. Við ákváðum að enda túrinn á veiðum í Víkurálnum og þar fengum við þorsk og karfa,“ segir Eiríkur Jónsson.

 

Tengdar færslur

thumbnail
hover

Pönnusteikt lúða með sítrónum og kapers

Nú gæðum við okkur á lúðu, drottningu hafdjúpanna. Hér áður fyrr þótti lúðan mikill happadráttur á handfærum, enda stór o...

thumbnail
hover

Viðræðum um sameiningu Þorbjarnar og Vísis...

Viðræður um mögulega sameiningu sem hófust sl. haust hefur formlega verið hætt hjá eigendum Vísis hf og Þorbjarnar hf. en ákveði...

thumbnail
hover

Ný Bergey til heimahafnar í fyrsta...

Skömmu fyrir hádegi í dag kom hin nýja Bergey VE til hafnar í Vestmannaeyjum í fyrsta sinn og var vel fagnað. Bergey var afhent Bergi...