Vona að veiðin hrökkvi í gang

,,Við erum að vona að veiðin fari að hrökkva í gang og ýmislegt bendir til þess að það sé að gerast. Þegar við hófum veiðar sl. þriðjudag var sáralítið að hafa en nú fáum við 300 til 400 tonn í holi. Það er reyndar lengi togað en hvað sem því líður er aflinn að aukast.“

Þetta sagði Kristján Þorvarðarson, skipstjóri á Venusi NS, seinni partinn áföstudag en hann er með skipið á kolmunnaveiðum syðst í færeysku lögsögunni. Mikill fjöldi skipa er á þessum slóðum.

,,Skipin eru a.m.k. 40 talsins. Hér er mikill fjöldi rússneskra skipa, örugglega 16 til 17 talsins, og svo eru hér færeysk skip og ætli það séu ekki komin átta til níu íslensk skip á veiðisvæðið. Norsku skipin og skip frá ríkjum ESB eru sunnar á svæðinu og í gær voru einhver skip að veiðum vestur af St. Kilda, eynni sem tilheyrir Skotlandi,“ segir Kristján en hann kveður kolmunnann ganga nokkuð hratt norðaustur eftir slóðinni.

,,Þetta er finn fiskur af ágætri stærð en reyndar nokkuð magur eins og við er að búast á þessum árstíma,“ segir Kristján Þorvarðarson.

 

 

Tengdar færslur

thumbnail
hover

Samstarf Eimskips og Royal Arctic Line...

Eimskip og grænlenska skipafélagið Royal Arctic Line hafa fengið undanþágu frá Samkeppniseftirlitinu um að fyrirtækjunum sé heimil...

thumbnail
hover

Hlökk ST með mest af grásleppu

Heildarafli á grásleppuvertíðinni var nú um páskana kominn í 1.887 tonn, en á sama tíma fyrir ári var aflinn 1.894 tonn. Fimmtán ...

thumbnail
hover

Unga fólkið borðar allt of lítið...

Ungt fólk nú til dags borðar helmingi minna að fiskmeti en afar þeirra og ömmur gerðu á sama aldri. Skortur á kunnáttu við matrei...