-->

Vorum næstum búnir að týna honum

Kristinn Arnberg Kristinsson er ekki með elstu skipstjórum landsins. En hann er einn af þeim sem fiskar betur en margir aðrir. Hann er skipstjóri á Daðey GK og langar með fjölskylduna í draumafríið til Tene. Hann er maður vikunnar á Kvótanum í dag.

Nafn?

Kristinn Arnberg Kristinsson.

Hvaðan ertu?

Frá Grindavík. En er búsettur í Sandgerði.

Fjölskylduhagir?

Unnusta mín heitir Eygló Ýr Ævarsdóttir. Eigum saman 3 stelpur og einn strák.

Hvar starfar þú núna?

Skipstjóri hjá Vísi á Daðey GK 777.

Hvenær hófst þú vinnu við sjávarútveg?

Var á netum sumarið ´96 með föður mínum og byrjaði svo að róa með honum aftur strax eftir 10 bekk.

Hvað er það skemmtilegasta við að vinna við íslenskan sjávarútveg?

Svo ótrúlega margt, en það er alltaf skemmtilegast að vera með fullan bát.

En það erfiðasta?

Þegar ekki gengur vel. Eða þegar veðrið stríðir manni eins og gengur og gerist.

Hvað er það skrýtnasta sem þú hefur lent í í störfum þínum?

Þegar ég lenti í því að fá minna en 10 tonn, nei ætli eitt af því sé að 5 hákarla á línuna sama daginn. Eitt sumarið þegar einn af áhöfninni vildi hoppa í sjóinn í björgunargalla, þegar við vorum nýbúnir að taka baujuna um borð. Hann synti á eftir bátnum eins og hann gat. Veðrið var svakaleg gott og hann var ekki að ná að synda nógu hratt og við vorum næstum búnir að týna honum. Þurftum að hafa okkur alla við að finna hann. Hann fannst að lokum sem betur fer.

Hver eftirminnilegasti vinnufélagi þinn?

Pabbi og Óðinn Arnberg

Hver eru áhugamál þín?

Fjölskyldan, vinir, sjávarútvegur, golf.

Hver er uppáhaldsmaturinn þinn?

Lambalundir með bernes klikka seint.

Hvert færir þú í draumfríið?

Til Tene með fjölskylduna.

 

 

Tengdar færslur

thumbnail
hover

Mörg handtök í Haustaki

Þau eru mörg handtökin hjá starfsmönnum Haustaks á Reykjanesi. Á góðum degi setja þeir um 700 pakka af hausum í gám til útflutn...

thumbnail
hover

Kaup á Kambi og Grábrók staðfest

Hluthafafundur Brim hf. samþykkti eftirfarandi tillögur, annars vegar tillögu um staðfestingu á kaupum á öllu hlutafé í Fiskvinnslu...

thumbnail
hover

Til veiða á ný eftir hvellinn

Gert er ráð fyrir að ísfisktogarar Síldarvinnslunnar og Bergs-Hugins haldi til veiða í kvöld eða fyrramálið. Gert er ráð fyrir ...