Ýsa að hætti V-12

Ýsa er yndislegur fiskur. Einstakur matfiskur með hlutlausu bragði, sem tekur vel við nánast hvaða kryddi sem er. Þessi uppskrift varð til hjá okkur í Vogalandinu og þess vegna nefnum við hana Ýsu að hætti V-12. Hún féll vel í kramið hjá afkomendum á öllum aldri og því mælum við með henni sem hversdagslegum veislurétti.

Innihald:

600 g ýsa roðflett og beinlaus
3 msk hveiti
1 tsk karrý
2 bananar
1 epli
1 rauðlaukur
6 sveppir
8 beikonsneiðar
1 ½ peli rjómi
200-300 g rifinn ostur
salt og pipar

Aðferð:

Skerið ýsuna í hæfilega bita. Blandið saman hveiti og karrý og veltið bitunum upp úr blöndunni. Léttsteikið bitana á pönnu og leggið síðan í eldfast mót og kryddið með salti og pipar. Skerið bananana og eplið í sneiðar og dreifið yfir fiskinn. Sneiðið rauðlaukinn og sveppina og steikið á pönnu. Hellið rjómanum út á pönnuna og þykkið með sósujafnara. Beikonið er skorið í bita og steikt á annarri pönnu og dreift yfir fiskinn.  Hellið rjómasósunni loks yfir fiskinn í mótinu og dreifið rifna ostinum yfir. Bakið í ofni við 180 gráður þar til osturinn er orðinn gullinn.
Berið fram með hrísgrjónum og brauði að eigin vali.

 

Tengdar færslur

thumbnail
hover

Sjávarútvegsskólinn blómstrar

Árið 2013 stofnaði Síldarvinnslan Sjávarútvegsskóla Síldarvinnslunnar og hófst kennsla þá um sumarið. Skólinn var ætlaður nem...

thumbnail
hover

HB Grandi semur við ÚR um...

HB Grandi hf. hefur gert Útgerðarfélagi Reykjavíkur hf. tilboð um kaup á öllu hlutafé í sölufélögum í Japan, Hong Kong og á me...

thumbnail
hover

Lítill fiskafli í júní

Landaður afli íslenskra fiskiskipa í júní var 31,7 þúsund tonn sem er 33% minni afli en í júní í fyrra. Samdráttinn má að mest...